[الشاعر ابوسعود]

بسم الله الرحمن الرحيم

قصيده لشاعر// مربح سعود الرشيدي
موجهه لشاعر//سليمان ساير الرشيدي
************


والـــــــــيكم القصيده //

*****************
ياخوك انا يابو سعد خاطري ماش
مدري علامي بس افكر وماشي
مغير اهوجس تقل خايف وبنحاش
وانا رجل صاحي ولابى غشاشي
وجلست مع قلب الشقى قلت ويش حاش
وبينى وبينى معه ديرت النقاشي
وساعت سألته جاوب اسبق من رماش
ونطق بكلمه تقل فيه ارتعاشي
ومع كلمته قال اه من داخل الجاش
وهلت ادموع العين مثل النواشي
ثم اعترفليى يبن ساير خفى وناش
ناش الجروح اليابسات العطاشي
ياوجد حالي وجدمن ذوده يحاش
عودن كبير وحيش وقت الغباشي
على الذى حبه نقشته بمنقاش
مرباعها الحره ودون العشاشي
وضحن الربعي لونها كأنه الشاش
وشعلن وصفر راس مال ومعاشي
وسودن كـنها لليل الدجى ديودها اهشاش
يازين مرتاعهن بشعيب وحشاشي
وحمرن علاجن شوفهن ينعش انعاش
عقب الفحل ريمان زاد انتعاشي
واليوم ياسليمان خذ هرجتى كاش
عطني وانا بعطيك ياخوك كاشي
تكفى يابن ساير عن الحضرابنحاش
خذني مع البدوان جاهز فراشي
شل عزبتى فوق ابيضن فتحه وشاش
جيب جديد وفــــــــــل ولا بلاشي

الموضوع الأصلي: ياخوك انا يابو سعد خاطري ماش | | الكاتب: الشاعر ابوسعود | | المصدر: شبكة بني عبس

[آهــذريــبــك]

صح لسان ابو سعود

وسلمت ايدي من نقلها

واتمنى ان تصل القصيدة للشاعر سليمان ساير

لاهنت يالغالي !

[السيف القاطع]

قصيده جزله من الشاعر ابو سعود وبنتظار رد الشاعر ابو سعد

[دانه]

واليوم ياسليمان خذ هرجتى كاش
عطني وانا بعطيك ياخوك كاشي
تكفى يابن ساير عن الحضرابنحاش
خذني مع البدوان جاهز فراشي
شل عزبتى فوق ابيضن فتحه وشاش
جيب جديد وفــــــــــل ولا بلاشي
صح السانك ابو سعود
عزالله انك تستاهل الجيب الجديد وانياق الوضح والملح والحمر
والعزبه فوق ضهر الجيب على هالقصيد وانحش عن الحضر

[عيد الداموك]

ثم اعترفليى يبن ساير خفى وناش
ناش الجروح اليابسات العطاشي
ياوجد حالي وجدمن ذوده يحاش
عودن كبير وحيش وقت الغباشي
على الذى حبه نقشته بمنقاش
مرباعها الحره ودون العشاشي
وضحن الربعي لونها كأنه الشاش
وشعلن وصفر راس مال ومعاشي

الله يعطيك العافيه على هذه القصيده
ويمال السيل يالحره عيفتك بالحضر
ننتظر رد الشاعر /سليمان ساير

[احمد منيف]

صح الله لسـانك اخوي ابو سعود وبيض الله وجهك :)