[بدر الحشية]

من يرخصك بيعه مع الناس (بتراب)=لاتعترف باللي مـع النـاس باعـك
اخلق لنسيانه مع الوقـت الأسبـاب=ولاتعتبر هالأمـر قصـة ضياعـك
وإن كان قلبك عن طواريـه ماتـاب=خلك بعقلك كـان هالعقـل طاعـك
سافر مـع الأيـام لاتقفـل البـاب=وخفف بهالمعنـى علـوم إندفاعـك
اصمـد وقـاوم لاتخـوَّف وترتـاب=خلِّك قوي وانشر ببحـرك شراعـك
دوَّر على اللي يحترم درب الأحبـاب=اللي طباعه بالوفـا مـن طباعـك
لاقال يصدق مايجـي يـوم كـذَّاب=ولاقلت يِحْسِنْ بالحديـث إستماعـك
من طيبته تشتاق له كـل ماغـاب=ويشتاق لك لاعاش وقت إنقطاعـك
تلقاه بالضيقه معك خير الأصحـاب=يزعـل لضيقـك مايـدوِّر وداعـك
لأخطأ بحقك يعتـذر قبـل تنصـاب=ولأخطيت في حقَّه تحـرى دفاعـك
لامن عطى من قلب مايحسب إحساب=تلقاه قربـك لأسـود الهـم لاعـك
حلمه رضاك ويلتقي منك الإعجـاب=وهنـاه لامنـه تـوسـد ذراعــك

منقول
وسلامتكم

الموضوع الأصلي: من يرخصك بيعه مع الناس بتراب | | الكاتب: بدر الحشية | | المصدر: شبكة بني عبس

[ابوصالح]

صح السانك وعتلا شانك


شكراً لك اخي الكريم

[بدر الحشية]

اقتباس من مشاركة ابوصالح صح السانك وعتلا شانك شكراً لك اخي الكريم

مشكور على المرور الرائع ولاهنت

[عبدالعزيز الخياري]

بدر الحشيه صح لسانك

وإعتـــــــلا شــــانك

قصــيده جزله


ولاهنت على حسن الاختيار

تقبل تحيات أخوك/
عبدالعزيز الخياري

[أنكسارحلم]

قصيده رائعه في معانيها ومفرداتها

صح السانك يابدر والسان قائلها..وكل عام وانت بخير

[عيد بن عبيد]

:p

صح لسان قايلها وسلمت يمين ناقلها


تحياتي لك

[بدر الحشية]

اقتباس من مشاركة عبدالعزيز الخياري بدر الحشيه صح لسانك وإعتـــــــلا شــــانك قصــيده جزله ولاهنت على حسن الاختيار تقبل تحيات أخوك/ عبدالعزيز الخياري

مشكور على المرور الرائع ولاهنت

[بدر الحشية]

اقتباس من مشاركة ناصر الشويلعي قصيده رائعه في معانيها ومفرداتها صح السانك يابدر والسان قائلها..وكل عام وانت بخير

كل عام وانت بخير
ومشكور على المرور الرائع ولاهنت