[احمد الشختلي]

لكم جديدي
ابيات عسى ان ترتقي لذائقتكم



الليله اللي دقايقها بيوت القصيد !

أشاهد أبروقها ورعودها لاتزال!

عزاه عزاه واللي ما عزومه حديد

يتعب وكنه على كتفه يشيل الجبال

(والجادل اللي مفاخرها تطول وتزيد)

وشلون ما تفتخر دام المفاخر طوال.؟

من دونها نبذل الارواح مثل العبيد

وبحضورها مابقى للزين دولة جمال

لقيت في صوتها للحكي عالم جديد

ألذ وأحلى من السكر وصاف الزلال

ومن عينها كل سيف يقص ماهو يريد

ويذبحني الرمش لا قال أنت وينك تعال.؟

إن جيتها كل حرف يذوب مثل الجليد

أوصافها فاخره والعين صوبه شمال

أنا أشهد إني غديت اليوم عنده (شهيد)

والله يستر من الشرهه ولو هي سوال .؟

وسلامتكم

الموضوع الأصلي: (والجادل اللي مفاخرها تطول وتزيد) | | الكاتب: احمد الشختلي | | المصدر: شبكة بني عبس

[أثير الشوق]

كعادتك شاعرنا أحمد الشختلي لاتأتي الا بالجمال
قصيده رائعه صح لسانك وشكرا لك

[كاتب الرشيدي]

احمد الشختلي

شاعرنا المميز بكل طرحه

صح لسانك قصيدة راقية وجزله

[كحيلة]

صح الله لسانك..قصيدة طيبة..
لاخلا ولاعدم..

[احمد منيف]

صح الله لـــــــــــسانك اخوي احمد قصيده طيبه ..


تسلم يابعدي