[أبونواف]

يــا ذيب يا محبـــوس مثـــلك لنـا ذيب=مــــطوي عليــه القيد خلف القضيبي
سجنة شرف تاجٍ على الراس ما تعيب=نشــــــهد بـــــها والله عليـــنا حسيبي
يــا ذيب والقضبـــان حــولك مناصيب=ذكرتنـــي وخلّيـــت قلبـــــي صويبي
في ذيبـــنا يـا ذيب طبــعك وأسـاليــب= سطوتـــــــك واقدامــــك وفكرٍ لبيبي
مـــا فيــك يـا ذيـب الحـــديقة عذاريب =أنتـــه قوي البــــأس فعــــــلك مهيبي
حســـوتك للــحرّاب نــــاب ومخاليــب=وطيبـــك لنفسك يــوم تكسب عصيبي
وحنـــا لنـــا ذيــبٍ يمينــــه مكاسيــب =ولأهلــــه وجيرانـــه بقسمــه نصيبي
يعجبـــك بالـــفزعة يبـــش التراحيـب =قلبــــه عريــــن الطيب لـون الحليبي
مـثــل المطر لا هـل صافي المشاريب =ان حـــــل بالبيـــــداء ثراها خصيبي
وان ثـــــارت الهيجا وشيل المزاهيب =بأول خطـــوط النــــار يِصـلـى لهيبي
لبّـــى نــداء البلقــان وأوفى المواجيـب= ورابط علــى القوقــــاز ذاك الشعيبي
يهــوى الشــهادة فـــي علو المــراقيب=ومــن قــال أنا مسلم يجــي له نسيبي
لعــل تكتــــب لـه حسانـيـــه بالغيـــب=مــــن عامـــل المولى ربح ما يخيبي
ويا ذيب لك بالحبس راعي واصاحيب=وفــــي ديرة الإسـلام ما أنته غريبي
وغيـرك غريب الـدّارعنـــد الأجانيـب=مصـــــــيره معلــــق بيـــد الصليـبي
حريتـه مطــلب وفيــــــها مصاعيــب=لو تشتــرى بالمـــال رقمــــه نجيبي
يا ذيبنا أخــذوك غــدر وبالاعيــب= ما أنته أسير الحرب أسير الصحيبي
لو جـوك بالميـدان تـدمي المضاريـب=مثـــلك وشـــرواكم عذاب الحريبــي
تكالبـــوا أهــــل النــفاق المـــذانيـــب= وعلـــى فتــات المــال خـان القريبي
يا بعدهم عن درب الإســلام والطّيــب =مـــن يخـــذل المســـلم نـــذم ونعيبـي
ويا أمــــة المليـــار نصــفك أكاذيـــب =القــــــدس نــاداكــم ومـــــاله مجيبي
وبالرافــديــن الــدم سيــــّل مرازيـــب =وأفغــــان والشيــشان وضــعٍ صعيبي
يطمــع بنـــا حتى صغــار الـدّبـاديــب=صكت علـــى القصــعة وتدبـي دبيبي
عــــارٍ بــــه التـاريـــخ دوّن مكاتيــب =أجيــــال يروونــه شبـــــاب ومشيبـي
يا معتصم مــــا تسمع الصوت وتجيب =وينـــــك صـــلاح الـدين قدسك سليبي
مــــا عـــاد بــه بالحي نــار ولواهيـب=تحـــرق لنا شــارون وبوش الغضيبي
يا مسلميــن أصحـــوا وهبّــوا مطاليب =عــــــدوكم ينـــــهب حمـــــاكم نهيبي
مــــع العــــدو مـــا عــاد ينفع تطابيب=لابــــــــد مـــــن جيشٍ يســد المغيبي
شعــــاره الإســـــــلام يــــدّب تواديب=وسلاحـــــــــه الإيمـــــان ماله غليبي
جيـــشٍ يبـــا الجنات ولــــها خطاطيب=يقدمـــــون المـــوت علــــــى الحبيبي

منقووووووول

الموضوع الأصلي: يـــاذيب يامحبوس مثلك لنا ذيب | | الكاتب: أبونواف | | المصدر: شبكة بني عبس

[سعد الشقل]

قصيده جزلة ورائعه

صح اللسان شاعرها وتسلم يمينك الي نقلت لنا الابداع هذا

[أبونواف]

اقتباس من مشاركة سعد الشقل قصيده جزلة ورائعه صح اللسان شاعرها وتسلم يمينك الي نقلت لنا الابداع هذا

يعطيك العافيه على المتابعه الحلوه

والله لايهينك

اجمل تحيه

اخوك /ابو نواف

[عابد الرشيدي]

قصيده جزلة ورائعه

صح اللسان شاعرها وتسلم يمينك الي نقلت لنا الابداع هذا

[أبونواف]

الاخ مشرف منتدى الرياضة


مشكوووووور