[سيوف بني عبس]

قصيدة كيبورديه فكاهيه واقعيه ( مادام مادقت فهي يعني بخير )

جابتني الصدفه وانا ماشي عصير**********
**********على المكان اللي شهد يوم قفت
الفاتن اللي غير كل الغنادير**********
**********اللي على عرش الحنايا تربت
اللي لقاها غير وفراقها غير**********
**********اللي غلاها في صميمي تثبت
*احبها لكن عقب ويش ياطير ***********
**********البنت راحت من حياتي وصدت
عطتني الفرقا عذر دون تبرير***********
**********اجمل مراحل في حياتي وعدت
مادام مادقت فهي يعني بخير**********
**********لوانها متظايقه كان دقت
ولو ان لي فيها معزه وتقدير**********
**********بدال هالغيبه شهر كان ردت
حاولت اغير وجهتي واعكس السير**********
**********درت التواير في طريقي ولفت
مدري من السكان والا من القير**********
**********اللي تواير موتري غصب هدت
حولت من صهوة موتري ودي اطير**********
**********قمت اتباطا دمعت العين وابطت
لكنها عقب الولع والتفاكير**********
**********مدري وش اللي شافته يوم صبت
وقفت مدري كن في شي بيصير ***********
**********ماغير اعدل نسفتي واتلفت
اقول لعل الصدف والمقادير**********
**********تجيبها نفس المكان اتشمت
*على الجروح اللي تركتها مناثير**********
**********خضر الجروح اللي على ماتمنت
ياموتري ضاقت عليك المشاوير**********
**********يالله عسى مكينتك ماتجفت
*اتعبتني وانا قبل ماني بخير**********
**********شتتني وانا من اول مشتت
والله لبيعك واشتري عقبك بعير**********
**********وارخي اعنانه للشقا واتثبت


الشاعر :عيد غازي الرشيدي


مع تحيات قروب شطحات

الموضوع الأصلي: مادام مادقت فهي يعني بخير )عيد الرشيدي......ق.ش | | الكاتب: سيوف بني عبس | | المصدر: شبكة بني عبس

[مذكر الرشيدي]

الشاعر عيد غازي ابداع ليس له مثيل صح لسانه


ولاهنت على النقل المميز

[سيوف بني عبس]

العفو اسعدني مرورك الكريم

[النمر1012]

صح اللسان شاعرها واللسانج ياسيوف روعه روعه
مادام مادقت فهي يعني بخير**********
**********لوانها متظايقه كان دقت

[غربة الروح !!]

لاهنتــــــي يآلغلاااا ع روووعة القصيــــــــــده

[سيوف بني عبس]

اسعدني مروركم

[عيد الداموك]

صح لسان الشاعر

نقل ممممممممميز

[الـريـم]

تسلم الايادي
اختيار رائع