[عواض الحربي]

اللي عنده طاروق يالربع يبدابه


ودنا بمحاوره ناريه

الموضوع الأصلي: طاروووووووووووووووق ناري | | الكاتب: عواض الحربي | | المصدر: شبكة بني عبس

[ابو شرق]

هلا يامرحبا بالشاعر الحربي طويل الباع= ولد حرب انتشرف في حضوره داخل الديرة
بوقت السلم والاسلام ماكن السباع سباع=يمر السبع قدم التيس ماياتي منه ذيرة

[عواض الحربي]

يدوم ابك البقا ياشاعرن نجمه بدا شعشاع=يغني باللحون الطيبه ياربي الخيره
تقوله مار من يعرف طريقه يانما ماضاع=وكلن ياصحيبي حسب منظوره وتدبيره

[ابو شرق]

اقتباس من مشاركة عواض الحربي يدوم ابك البقا ياشاعرن نجمه بدا شعشاع=يغني باللحون الطيبه ياربي الخيره تقوله مار من يعرف طريقه يانما ماضاع=وكلن ياصحيبي حسب منظوره وتدبيره

ابااغني وابا الحن بيوتي واطرب الاسماع=وانا اللي كل ماقف للخصوم يصيبهم حيرة
اضنك باقي ن في صدرك الواسع طعون اوساع=بتال الوقت شفتك يالحريبي تنكر الجيرة

[رادوي العبسي]

سلاااااااااااااااااااام

[ابو شرق]

اقتباس من مشاركة رادوي العبسي سلاااااااااااااااااااام

عليك السلام



وشرايك بالطاروق

[عواض الحربي]

تحاول تطلع لراس الجبل لويصعب المطلاع=تحلملك بحلمن وانت جاهل في تفاسيره
انا حربي ولاني للطريق المعتدل قطاع=على سلم العرب نمشي وفا ياطيب السيره

[ابو شرق]

اقتباس من مشاركة عواض الحربي تحاول تطلع لراس الجبل لويصعب المطلاع=تحلملك بحلمن وانت جاهل في تفاسيره انا حربي ولاني للطريق المعتدل قطاع=على سلم العرب نمشي وفا ياطيب السيره

على راس الجبل ياصاحبي يهنالك المرباع=ولامنك شريت الجيب تفحص بديه وقيرة
لقينا وجبتك ياصاحبي بالسوق ماتنباع=ولاكنك تحصل وجبتك في عالي الشيرة