[فواز الدواي]

-------------------------------

ماني مسلم ولا مرحب ولا قـوه=كيفي مزاجي بوصل نفسك اقصاها
الله واكبر نسيت الطيب والخـوه=ياقـو عينـك صداقتنـا تناسهـا
مافيك نخوه ولاشيمه ولا مـروه=احلا ليالي العمر هديـت مبناهـا
روح بطريقك وسو اللي تبي سوه=الله فوقـك وعنـد الله تلقـاهـا
كم كان قلبي مولع بالغـلا ضـوه =اليوم طفْت عيوني نـارك بماهـا
ابتركك والجفا تـوه بـدى تـوه=ابـي تغـدى الندامـه وتعشاهـا
راسي ليامن زعل متعكـرٍ جـوه=سوالفك كلها من راسي امحاهـا
ولا ترى الطيب فيني والوفا ربوه=عكسـك تمـامٍ بميـزات تحلاهـا
حنا بشر والبشر من أدم وحـوه=لاكن قلوب البشر انواع بوفاهـا
طوى الغلا منت قده اخلص وطوه=مع السلامـه معزتكـم كشفناهـا

الموضوع الأصلي: (مافيك نخوه ولاشيمه ولا مروه ) | | الكاتب: فواز الدواي | | المصدر: شبكة بني عبس

[مسندالعويمري]

صح السسانك .. ولاهنت ..

.. يافوااااز ..

حضور ومتابعه .. وابيض وجه

[نــواف العويمري]

صح السسانك .. ولاهنت ..

.. يافوااااز ..

[سعد الفلاح]

أخوي فوااااااااااااز الدواي صح اللسانك على القصيده التي تستحق الأعجاب وليس غريبن عليك الأبداااااع ولاتحرمنا من أبداعك المتميز ولاهنت يلغالي

لك مني أجـــــمـــل تــــحــــيـــه وأعذب ســـلاااام

أخوووك

سعد

الفلاح

;

;);)

[فواز الدواي]

مسند العويمري
ولاانت

صح بدنك

[فواز الدواي]

نواف العويمري

صح بندك تسلم على المرور

[صقر عبس]

صح لسانك اخووي فواز الدواي سجل اعجابي
تحياتي لك

[فواز الدواي]

سعد الفلاح

لاهنت ياولد كحيلان

تسلم على المرور صح بدنك