[سيوف بني عبس]

صباح الخير كيفكم ان شاءالله بخير

القصيده منقوله بس روعه




ياشينها لا صرت معجـب و خجـلان
خوف المصـارح لايجيـب المطمّـه


اخاف اصـارح بالغـلا ذاك الإنسـان
و ينقلـب جـووالمصـارح مـذمّـه


ويا شينها لا صرت مغرم و زعـلان
محد ٍ يراضـي قلبـك ومحـدً يلمـه


وان رحت محد ٍ قال لك:وين يافـلان؟
روحتك مع جيّتـك .. ماهـي مهمّـه


ويا شينها لا صرت عايـش بحرمـان
مثـل اليتيـم اللـي فقـدشوفـة أمّـه


ماخوذ حقّه وانظلـم شـوف الأعيـان
.واللي اظلموه عيـال لحمـه و دمّـه


ويا شيـن صاحبـك لاصـار ثعبـان
لا هو تركك و لا نفـث فيـك سمّـه


كنّـا خويّـا وانتسـمّـى بـالأخـوان
واليوم أسمـه بأخبـث النـاس سمّـه


ويا شينها لا صرت ناجـح و ندمـان
وصلت قمّـه وغيـرك بأعـلاا قمّـه


مثل الإمـام ..العالـم بفقْـه الأديـان
يومه نجح .. والكـل صـاروا أئمّـه


ويا شينها لا صـرت تايـه وحيـران
وسط الطريق .. و باقي ٍ فيـك همّـه


ودّك ترووح .. وآخر الدرب ما بـان
تخاف تمشـي .. ثـم تغشـاك غمّـه


ويا شينها لا صـرت مبلـي ومنهـان
والعلـم كلّـه .. مـن اكاذيـب نمّـه


ما فيـه ضـدّك لا دلايـل وبرهـاان
ودخّـان نـارك مستحيـل ٍ تشـمّـه


ويا شينها لا صرت من روس الاعيان
ثم تنقلـب فـي نظـرة النـاس رمّـه


ويلااااه يا وقت ٍ نوى لـي بعصيـااان
أثر الزمن يـا نـاس مـا فيـه ذمّـه


ويا شين طرد المقفْي لو كنـت ولهـان
ياخـذه شيطـان الغـرور و يخـمّـه


يظـن انّـك هايـم ٍ بـه وشفـقـااان
ما يدري انّه لو فطـس ... مـا تهمّـه


الخلْق سجن وصاحبـك فيـه سجّـان
والعلم خال العـز .... والجـود عمّـه


ويا شينها .. أصلا بقى شي ما شان ..؟
هـذي الليـالـي طبعـهـا مدلهـمّـه


الشيـن والله شيـن غاليـن الأثمـاان
لا قـام كـل ٍ رافـع ٍ فـوق فـمّـه


ويا زينها لا صرت لاهـي و طربـان
وحبـل القصايـد يرتجيـك و تلـمّـه


يا زينها لا صرت معجـب و خجلان
تنثـر علومـك لـو تجيـب المطمّـه

الموضوع الأصلي: ي شينها لا صرت معجب وخجلان | | الكاتب: سيوف بني عبس | | المصدر: شبكة بني عبس

[ابوتوتو]

بما انه منقول يستحسن لو ذكرت اسم الشاعر
وذالك حفضاً لحقوق الشاعر

لك الشكر واحسنت الاختيار

[سيوف بني عبس]

اسعدني مرورك العطر
اكيد لو اعرف اسم شاعر اكيد بحطه

[ناصر الرشيدي]

صح ذوقك

اختيار راقي

[سيوف بني عبس]

اسعدني مرورك
اخي ناصر

[بندر الشويلع]

صح لسآن شاعرها وتسسسسسسلم يمين نآقلها
وختيآر موفق
وشكراً ع النقل المميز .
\\\
\\\\
\\
\\
\

[نايف ابن عليثه]

اخاف اصـارح بالغـلا ذاك الإنسـان و ينقلـب جـووالمصـارح مـذمّـه يا زينها لا صرت معجـب و خجلان تنثـر علومـك لـو تجيـب المطمّـه

وموووشكله لآ صآرت تترجم آحسآسك

/

سيوف <~ معجب بموآضيعك
لآهنتي

/

تحيتي لتس ..

[كحيلة]

سيـــوف بني عبس..
روووعة وفي قمة الذوق..تسلم يمينك يالغلا ع النقل الطيب..
لاخلا ولاعدم..