[عبدالعزيز الخياري]

وقفه مع الشاعر المرحوم عبدالله العير رحمة الله عليه

--------------------------------------------------------------------------------

*
*

خلوني ارقد في مداهيل جـرّاح=واحط لي وسط الطريق استراحه
اذنّي ادله باقي الوقت وارتـاح=لو كان مافي جور الايام راحـه

ان مت عزولي مرامي ووجدان=وابكوا على قبري ليالٍ طويلـه
ابكوا وبكوا لي معاكم كحيـلان=خليف شيّال الحمـول الثقيلـه

عبـــدالله بــن عبيـــد العيـــر العضيله المطيـــري

كانت نشأته في محافظة عنيزه بحي السليمانيه حيث تخرج من ابتدائية طارق بن زياد
عام 1398هجري بعد ذلك واصل دراسته في متوسطة فلسطين,وتخرج منها عام
1403للهجره
ودخل الثانويه الصناعيه ودرس عامٍ ثم انسحب منها
ثم التحق بالخدمه العسكريه

وتقاعد قبل شهرين من وفاته بناء على طلبه برتبة رقيب

وهو من مواليد 10/9/1384للهجره

متزوج له من الابناء اربعه ابنه عبيد وثلاث جواهر درر

هو الابن الاكبر ويعشق الابل ولديه جيش منها مخصص للسباقات
آخر حفله احياها رحمه الله كانت في الصباحيه بالكويت يوم الاربعاء20/7/1424للهجره
وكان معه الشاعر الكبير / سلطــــان الهاجري
والشاعر الكبيــر/ ذيب الشمــري


شاعر مثل قبيلة مطير في مجال المحاوره

شاعر هابه الشعراء وحسبوا له عند ملاقاته

كان يتصف بالفطنه وحدة الذكاء وسرعه البديهه والمرح وخفة الروح

لاقى فطاحلة شعراء الجزيره العربيه

عبدالله بن عبيد العير العضيله المطيري
وهذه احدى محاوراته
مع الشاعر الكبير / رشيد بن زيد الزلامي العتيبي من اعظم شعراء قبيلة عتيبه

في منطقة الدوادمي...
عبدالله العير المطيري:

سلام يا اصحابنا اللي جيتهم بالوعد=وانا ليا جتنـي الدعـوات لبيتهـا
اصفى سما نجد لابارق ولامن رعد=وانا لمحت المزن ورعوده اوحيتها

رشيد الزلامي العتيبي:





الله يحييـك ترحيـبٍ بليـا عــدد
قدمك رجالٍ ترحبـك ليـا جيتهـا
بس المصيبه تجيهم وانت مامعك احد
قامت بك الارض واشتغلت عفاريتها





عبدالله العير المطيري:





البارحه يارشيد وليت الاول بعد
وشلون حال الجماعه يوم مريتها
حنّا طراقي ولاحنّا من اهل البلد
لكن دعوتك هذي تعرف بويتها







رشيد الزلامي العتيبي:




ان كان تنشد جماعتنا بحـال السعـد
ومطير ماهي على الدرب وتعديتهـا
وش رايكم في عجوز بليس جابت ولد
واليـا اسـر الله ضحكتـك وبكيتهـا







عبدالله العير المطيري:





الله ولا النشده اللـي تاليتهـا نكـد
وشلون موجتـك للمطـران فريتهـا
اللي عطتك البريره وانت وسط المهد
قالوا لي انك بعد شيّبـت جازيتهـا





رشيد الزلامي العتيبي:





الله يعلم رشيد وقصـده اللـي قصـد
مطير من قبـل جيرانـي وحبيتهـا
لاتحفر المقبره يطبق عليـك اللحـد
واللي عطتني البريره جيت وارضيتها





عبدالله العير المطيري:





الليله انته بعيرٍ تنتظـم وتهبـد
ماتنتثنّى يدينـك ميـر ثنيتهـا
اللي عطتك البريره حظها منقرد
عرضتها لاهب الكنّه وخليتهـا






رشيد الزلامي العتيبي:





الموج اشوفه طفح والبحر جاله زبد
لكنّ ذيك البضاعـه ويـن وديتهـا
فزعتك عشرين واللي طاح واللي قعد
وخمخمتها في ظلام الليل واخطيتهـا






عبدالله العير المطيري:





حطيتها في بيوتٍ جودت بالعمد
وانته تباهـا لكنّـك ماتحليتهـا
الله يعذبك كيف اشغلتني بالنشد
عن حرجةٍ تطلب الميته وذكيتها






رشيد الزلامي العتيبي:





اقول سبحانك الخلاق فردٍ صمـد
عيون فتحتهـا وعيـونٍ اعميتهـا
يالعير دم الخواجه ماع مدري جمد
وارد عراوي دخل ماها على زيتها







عبدالله العير المطيري:




الله ليا راد له حاجه بليا جهـد
حرّم عليك الزقاره وانت كنيتها
ماعاد عند الخواجه دم كله نفد
اتعبت رجلك على دربه وعنيتها











وله بالنظم ايضا الكثير والكثير منها هذه المجنونه عليه رحمة الله
مرثيه في ابن رئيس مرور القصيم..
يقول فيها عبدالله رحمه الله:

يالله ياللـي كلـنـا مـنّـك وإلـيـك=ياللـي بذكـرك تستـلـذ ألسنتـنـا
وقلوبنا بيـن اصبعيـنٍ مـن ايديـك=وان كــان ماثبـتـهـا ماثبـتـنـا
نهـار تلفضنـا المقـابـر ونآتـيـك=مـن خشيـةٍ فينـا نظرنـا تحتـنـا
عريـا وزريـا خاضعيـنٍ مداريـك=صـكـة عليـنـا ذلــةٍ غاشيتـنـا
وان ماتهيّـت رحمـةٍ مـن مناشيـك=والا تــرا مــا اعمالنامنجيتـنـا
منك الرجاء وانت الرجاء والرجاء فيك=تستـر علـى خلاتـنـا فآخرتـنـا
وترحم جنازة مسلـمٍ فـي حراويـك=اغلـى جنـازة مـؤمـنٍ فارقتـنـا
وتغسل ذنوبه بالبـرد مـن حسانيـك=وترفـع مقامـه مـع مقـام انبيتـنـا
عبدٍ خجول ومقفـيٍ عـن معاصيـك=متـذكـرٍ لــه سـاعـةٍ قافيتـنـا
(سامي) عسى اعمالك بقبرك تسليـك=وتونسـك فـي وحشـةٍ موحشتـنـا
ويمدلـك بالقبـر نــورٍ يبـاريـك=في جـاه مـن يعلـم بغيـب افئدتنـا
ويلطف ببوك اللـي لسانـه بطاريـك=اللـي قضـى وقتـه يربّـي ويتـنـا
وتجبر عزا امٍ ترجـي الله وترجيـك=اللـي عليـك مـن الحـزن حزنتنـا
وحنّا ترانا مـن غـلا ابـوك نغليـك=وان مادعينـا لـك ظلمنـا بختـنـا
اللي علـى درب المراجـل مربيـك=مديرنـا الـلـي رافــعٍ منزلتـنـا
يكفيه من جور الزمـن فجعتـه فيـك=اللـي نبـي نبطـي وهـي موجعتنـا
جينـا يابوسامـي (بسامـي) نعزيـك=وانتـه تعزيـنـا عـلـى فاجعتـنـا
مير استعـن بالله عسـى الله يقويـك=علـى مقاديـرٍ خــذت ماعطتـنـا

--------------------------------------------------------------------------------

ومن اقوى المحاورات مع الشاعر نواف العازمى فى الكويت
وهو يطلب العير رحمه الله في اعنف واشد المحاورات والفتل والنقض

اليكم بعضا منها

نواف العــازمي





سلام رديّه تذر الكحـل بعيـون الحسـد
تلفي مجال اللي يحاولها ولاهـو حولهـا
السبت قدام الاحد واللي ورى السبت الاحد
اقولها واللي معـه فكـرٍ سليـم يقولهـا





عبدالله العير المطيري





يامرحبا ياسعود يوم انك تغني مـع سعـد
اهل العقول البيض مدري وش دخل بعقولها
تراك يانواف ابن منور غريب (إ)عن البلد
والمقفليّـه عنـد رجـالٍ يحفـظ قفولهـا





نواف العــازمي





دام البقاء بسعود خيّال الجهام المعتمـد
ما اقولها لأهل الطبول اللي تدق طبولها
استغفر الله يوم قلت ام الولد جابت ولد
يوم انها قامت تشيل الجمر وسط حثولها





عبدالله العير المطيري





إليا قنب سرحان في الظلماء ورد والا شرد
والصايحه تنخى وكـل النـاس مالدولهـا
عين المهلهل عقب اخوه كليب والفها الرمد
والناس قامت يم .... حروثها تعن خيولها





نواف العــازمي





انا ادري انك علةٍ صرمى ولاادري وش بعد
المشكله حليـاك حلياهـا وزولـك زولهـا
ترعد وتبرق سالفتكم جعـل مافيهـا بـرد
يالله عساها المزنه اللي ماتسيـل سيولهـا





عبدالله العير المطيري





ابن الحلال اللي حرث عنها تورط وانقرد
انتـه تحاليهـا وانـا حملتهـا بحمولهـا
الله واكبـر يالعـوازم ياقوييـن الجهـد
ان كان فيكم خير سربتنا الصباح اقفوا لها





نواف العــازمي





ان جيت مازاد العدد وان رحت ماتنقص عدد
تبغى الصحيح اضحك على ناسٍ خفاف عقولها
عـزالله انـك فـارسٍ قطـاع لـو ماترتعـد
والا العـوازم خابريـن فعولكـم وفعولـهـا





عبدالله العير المطيري





انا ليا جيت اخزي الشيطان والواقف قعـد
والا انت ابو جره مايعروف ثومها من فولها
فعلت لك فعله ولاحصلّت منهـا الا النكـد
يوم العرب هجت وكبـت قشهـا ونعولهـا






رحمه الله

مثل اعظم الامثال في الفتل والنقض

عبدالله العير

والنظم





كان عليه رحمة الله يحفظ نظمه ولايكتبه

كان يحيي الافراح واقفا او قاعدا

فواقفا بمحاوراته وقاعدا بنظمه وامسياته



وايضا لاننسى رفيق درب عبدالله العير

الشاعر
ملفي المورقي


هذه محاوره رباعيه كان اطرافها


الطرف الاول(العير رحمه الله ومحمد السناني)
الطرف الثاني(ملفي المورقي واحد شعراء قبيله سبيع)

اخترت مادار بين ملفي والعير رحمه الله

وايضا ليست بكامله لأن المصدر لم يسعفني بها كامله

هي ايضا مثل في دفاع الشاعرين كل دون قبيلته

فكان العير من خيرة من مثل قبيله مطير







المحــاوره كالتالي

عبدالله العير المطيري

والذي فضل المطران في كل حزّه
ماغدى لي ورى العتبان لو كيس مزّه
عاين العير قدمك ناطحه لاتقزّه
*
*
جعل في الامر خير وجعل في الامر خيره





حنّا هل الردات في يوم الاخيرقومٍ توطـى مايجـي قدامهـا
مفالي الصمّان من فلـى بهـاواللي عقد روس الحبال يحلها





ملفي المورقي العتيبي

انت حطيت ربعك في محل الصحابه
مير هوّن ترى ربك شديدٍ عقابه
وارجع الذاكره واذكر فعايل عتابه
*
*
جعل في الامر خير وجعل في الامر خيره





اخذ المخده وانسدح فوق السريرترى الجزيره دونهـا حكامهـا
لاتلمس الجمـره ولامشهابهـاواللي عقد روس الحبال يحلهـا





عبدالله العير المطيري

الله اللي مفضلنا عزيز الجلالي
حطنا فوق روس العالم اول وتالي
الله انه يسهل دربكم ياخوالي
*
*
جعل في الامر خير وجعل في الامر خيره





حكومة السودان دهورها البشيريومين يبغضها ويـوم يرامهـا
في تالي الايام وش سوى بهـاومسيلمه كذاب ومحمـد نبـي






ملفي المورقي العتيبي

انت في المدح ماشاء الله رسام لوحه
مير يوم ان جالك فيه جيّه وروحه
ويش قال المثل قلي بمدّاح روحه
*
*
جعل في الامر خير وجعل في الامر خيره





عيرٍ طويل ورافقه عيرٍ قصيراسبيع فيهم نعنبوا من لامهـا
لكن شـب النـار ياشبابهـاومسيلمه كذاب ومحمد نبـي





عبدالله العير المطيري

يالله انك توفقنا طريق السلامه
لين نآصل بلدنا مالحقنا ملامه
نازل القصر ماينزل خراب الهدامه
*
*
جعل في الامر خير وجعل في الامر خيره





لابنشر التاير مشينا بالسبيرتبا تجملنا علـى صدامهـا
والله ماتقعد وانـا ركابهـاومسيلمه كذاب ومحمد نبي






عبدالله بن عبيد المطيري

شاعر لاتنساه الساحه الشعبيه

لن ينساه بيت الشعر



عبدالله العير ولن يمر مرور الكرام على الساحه الشعريه

رثاه من الشعراء الكثير والكثير


مما قال الشاعر زيد العضيله

إلبسي ياساحة الشعـر ملبـوس الحـداد=واعلني هجري عن الملعبه ستيـن يـوم
صمت عن خوض الملاعب ونزلت الشداد=كود اضنه يدله القلـب وتخـف الهمـوم
هم من فرقـاه حشـت معاليـق الفـواد=تاج راسي عزوتي كـل ماجـت للـزوم
والعزا لمطيـر ماهـوب ليّـه بانفـراد=يامطير الله يحسن عزاكـم بـه عمـوم
وكل جمهوره بعد في جميع انحا البـلاد=عظم الله اجركم في الفقيد اغلى النجـوم
والله اني كل ماجيـت اكـف الدمـع زاد=مير هذي قسمـة الله وترضينـا القسـوم
ياكريـم الوجـه يالله يــارب العـبـاد=طالبك ياواحـدٍ غيـر وجهـك مايـدوم
ارحمه واغفـر ذنوبـه ياعـلاّم العـاد=انت ملجأ مـن لجابـك وغفّـارٍ رحـوم

(اعتذر شاعرنا زيد بن سلمي عن تكملتها لعدم السيطره على نفسه عندما

يستوحي جنون شعره لرثائه كما انه اعلن هجره لساحة المحاوره مدة شهرين كاملين)

ماعليك ملامه يابوممدوح ماعليك ملام









وللأخ حق على اخيه

وهنا يتجلى مطر العير شقيق عبدالله العير الاصغر بهذه الحرووف

الجريحه

جتني تهل الدمع وتقـوم وتطيـح=مريم حشاشة جوف عبدالله العيـر
قامت تلج بعالي الصوت وتصيـح=مريم حشاشة جوف عبدالله العيـر
الموت مايحتـاج ياعـم تصريـح=امر الولي ماشي على كبار وصغير
جعل السحايب فوق قبره مراويـح=وبنبت عليه من القـب والنواويـر
الله يوسـع لـه بقبـره تبـاريـح=ويغفر له الله يوم صف الطوابيـر
ويجبر عزانا في العيال المجاريـح=وتغفر ذنوب اللي رفع راية مطير

وهذه مرثية الشاعر تركي 2000

لو الدموع تـرد عبـد الله العـار=والله لبكي ليـن عينـي iiتشوفـه
ويبكي معي صفة رجـال وشعـار=ورجال من بين الرجـال معروفـه
لكن حكم الله ما يمنع ليـا iصـار=وأمره على اللي يقصده ما يطوفـه
مرحوم ياللي لـك معـزة ومقـدار=يالصاحب اللي موت مثلك حسوفـه
عساك في الفردوس مع سيد الابرار=وعسى سنين العمر فيك امخلوفـه
أخذت لك في صفحة الشعرمشـوار=وبنيت بيـت معجـزات وصوفـه
ولك وقفة تشهد لها كبار وصغـار=لاجا نهـار فيـه صولـه وجولـه
كنك معي في المعركه سيف بتـار=لن قيل كلن نجدتـه مـن سيوفـه
أثقل من الجولان والضلع سنجـار=لا هب طيف الشعر واقبل صفوفـه
عليك قلبي فيه جمـرة مـن النـار=ورحيلك اللي ولـع النـار جوفـه
أجـاذب الونـات والدمـع عبـار=وضلوع قلبي من بعـدك معكوفـه
ياما بنينـا للمعـزه مـن اجـدار=وياما تحدينـا الزمـان وظروفـه
وياما تقاسمنا الوفا سـر واجهـار=واكـل للثانـي يشـرف وقـوفـه
واليوم راحت بك صواديف الاقدار=وبنت الهوا صارت بعدك معيوفـه
لكن مالي عـن وصيتـك معـذار=والعزوة اللـي بالفعـول معروفـه

منقووووووووووووول

الموضوع الأصلي: الشاعر عبدالله العير رحمه الله | | الكاتب: عبدالعزيز الخياري | | المصدر: شبكة بني عبس

[سعد الشقل]

الله يرحم الشاعر عبدالله العيرر ويمغمد روحه الجنه انشالله

وبيض الله وجهكـ يالخياري علىى النبذه الرائعه لشاعر عبدالله العير رحمه الله

[بركه بن هداج]

الله يغفر له ويرحمه وامواتنا واموات المسلمين عامه انه كريم جواد

جزاك الله خير اخي الكريم

[سعد الفلاح]

الله لايهينك أخوي عبدالعزيز وتسلم يمينك على نقل لنا أبداع الشاعر عبدالله العير رحمه الله ولاهنت يلغالي

[حادي الجبيل]

الله يرحمه ويتوب عليه وكلنا صائر إلى مثواه .

ممن فقدتهم ساحة المحاورة الشاعر رجا الله المحمدي رحمه الله والذي كان لي معه ذكريات جميلة .

شكرا لك أخي عبد العزيز الخياري .

[سلمان]

الله يرحم الشاعر عبدالله العيرر ويمغمد روحه الجنه انشالله

وبيض الله وجهكـ يالخياري علىى النبذه الرائعه لشاعر عبدالله العير رحمه الله

[عبدالعزيز الخياري]

اقتباس من مشاركة سعد الشقل الله يرحم الشاعر عبدالله العيرر ويمغمد روحه الجنه انشالله وبيض الله وجهكـ يالخياري علىى النبذه الرائعه لشاعر عبدالله العير رحمه الله

ووجهك ابيض وشاكرلك مرورك

[ابو براك الرياض]

الله يعطيك العافيه