[رشيد]

*
شيمة أجداد
شعر - نهار بن ممدوح

=
-
=

جيتك بقايا حلم في شط الأسهاد

وصلك غيوم ولهفتي لك صحاري
.
استمطرك لهفه ، ظما ، شوق ومراد
شعور خارج عن حدود اختياري
.
واشعل لك شموع الفرح عيد ميلاد
وبعد اصفرار الحال تُعشب قفاري
.
يافارقٍ في عالمٍ كله انداد
مالك شبيه وفي جمالك تماري
.
لو مر سحرك في جماعات وافراد
ماكان لبّوا يوم نادت مشاري
.
في جيّتك تُزهر مسافات وبلاد
وتورق غصون الحب داخل مداري
.
وفي غيبتك مال الشفق حلم وابعاد
خانت نجوم الليل كل المساري
.
تصدق اني ماذكرك وانت لي زاد
لانك على بالي من العام طاري
.
بس انت في بالي وانا عنك نشّاد
ليتك تقّدر لهفتي وانتظاري
.
ياحضرة الما جيت ظامي ووراد
اجيك نور وتستبيح انكساري
.
لاصرت جرحي كيف ابرجي بك ضماد
ولاصرت روحي كيف ارد اعتباري
.
اسهرك ليل اليا ضوى جفني ارقاد
وألقاك حلم إليا صحا بي نهاري
.
بك فرحتي فرحة نما بين الاولاد
فرح، حزن، ماهو عن الوقت داري
.
يلعب طرب كل البشر عنده اجواد
ماشاف حزني باينٍ في سماري
.
اعيش فرحه واعلن لعيدها حداد
والحظ من قل التوافيق عاري
.
تعبت امنّي بك حزينات الأعياد
ابيع للفرحه وللحزن شاري
.
وللصبر حد وللرجل شيمة اجداد
وماتعشق القمرا هوى كل ساري

*

الموضوع الأصلي: شيمة أجداد | | الكاتب: رشيد | | المصدر: شبكة بني عبس

[أثير الشوق]

اختيار رائع ...الله يعطيك العافيه عالنقل الجميل شكرا لك

[سهم عبس]

صح لسان شاعرها
ولاهنت على النقل

[سحايب]

صح الســـــــــــــان شاعرها
وسلمت يمناك على النقل
قصيده رااايعه

[كحيلة]

وللصبر حد وللرجل شيمة اجداد
وماتعشق القمرا هوى كل ساري


صح لسان شاعرها..وعاشت يمينك ع النقل الطيب..
لاخلا ولاعدم..

[احمد منيف]

. وللصبر حد وللرجل شيمة اجداد وماتعشق القمرا هوى كل ساري *

صح الله لسـان شاعرها ومشكور اخوي ع النقل الطيب :)

[رشيد]

صح لسان بن ممدوح

ولاهنتم احبتي


اسعدني مروركم ,,, ربي يسعدكم

[بندر الشويلع]

صح لسآن شاعرها وتسسسلم يمين ناقلها
وختيار موفق