[صفوان]

سعود العجوني
مرحبا ترحيبتن تتعب لهاالطرقيه=والضوامي ياردن العد ضامي ضامي
الطيور اطير فوق الكوره الأرضيه=يستر المولا عليها من سلاح الرامي

محمد التركي
البقا بك يالمرحـب مثلهـا مثنيـه=جيت ابغني معك واللعب حامي حامي
المهلهل في بني وايل سوات الفيـه=وين مالقيت وجهك شرق ولا شامي

سعود العجوني
اشهد اني تو مالديت للماليه=لاتطير بي عيونك والوعد قدامي
يامحمد يازعيم الثوره الشعريه=جيت ساري تطرق الأبواب ماتنلامي

محمد التركي
انت لك نيه وانا يالعجوني لي نيـه=والعيون الساهره من طبعها متنامي
مالحقني شك ياراع الوفـى موليـه=ادحَم الشعار في جمبي واشد حزامي

سعود العجوني
نيتي وحده ماحب النيه العكسيه=لاسريت الليل ماعمري ثنيت عظامي
شفت فيك امن الوفى والمرجله ماريه= ليه صدرك يامحمد ماعليه اوسامي

محمد التركي
يابني عجوين ذخر العزوه العبسيه=عن لواهيب السموم ودورت الايامي
البروق تلوح فى المنشا وناري حيه=لاتدين الناس جايز للظروف احكامي

سعود العجوني
كان قصدك خوف مني زلتك مرفيه=من مدح خصمه سوات منكس الاعلامي
من وسع صدرك لو الحسنه تسجل سيه=ماتقوم قيامتك سارح مع الاوهامي

محمد التركي
كلمتك هذي ترا عندي ماهي بشويه=حشم ضيوفك مدامك من رجال احشامي
يامعمر لا تيتم بنتك الليبيه=ويصبحون عيالك الي من وراك ايتامي

سعود العجوني
السوالف غشمره لاتجيبها جديه=اشهد انك تو يالمسلم جرحت اصيامي
دون حلقي يابن تركي لاتلوم ايديه=ليه تسترحم من الريس وقلبك دامي

محمد التركي
الحقيقه ماتبور العملـه النقديـه=والبلا فى السلعه الي مالها سوامي
المباره انتهـت والملعبـه وديـه= ليتها ماصفرت صفارت الحكامـي

امل ينال استحسانكم التنسيق

((منقوله من منتدى العجاونه))

الموضوع الأصلي: منقوله لعيون راشد الراشد (( محمد التركي + سعود العجوني)) | | الكاتب: صفوان | | المصدر: شبكة بني عبس

[ناصر الخياري]

صح لسان الشعاااار ..
لاهنت على النقل ..

[مفتاح]

ياسلام عليكم طاروق ولا اروع

صح الله السان الشاعر الشاب محمد التركي

وصح الله السان الشاعر الكبير سعود العجوني

ولاهنت على النقل ياصفوان