[النمر1012]

أطلعوا فوق الطلوع فوق فوق وسندو
واستوو فوق المنصه وأنقضوا فتل المقال
حاسبوا من تطلبونه وأرجعوا ثم سددو
راجعوا كل القصيد وأفتحوا بعض المجال
كل من حاول وحاول شجعوه وأجهدو
بالمواقف تملكون أطيّب طحاطيح الرجال
ناقشوه وراجعوه وحاوروه وأنقدو
واثبتوا إن الحقيقه ماتجي مثل الخيال
أنهضوا مرّه وقوموا مانبي بعض الهدو
أمدحوا ظلٍ طويل ومجدوا طول الضلال
أرتخوا مرّه ومرّه حاسبوه وشددو
وأسفهوا بعض الكلام اللي هبالٍ في هبال
اطلعوا فوق الطلوع وراقبوا أوأرصدو
كل غلطات الغشيم اللي غشيم ولا يزال
فصّلوا كل الكلام ووزعوه وفندو
اظهروا بعض البلاغه يوم لله الكمال
يالساني لاتكلم غير بأسلوب البدو
وياذراعي لا تجيب الا حلال في حلال
دوب كتاب القوافي انهضوا ثم أبتدو
يالله أني طالبك القبول وطيب فال
جت تعادى كلبوها من هواجيسي عدو
لين درعت أرقبتها وسط مفتول العقال
أحتدت يمي وجتني تحتدي يميّ حدو
ثم صرفت أريالها ضعف ضعفين الريال
لا تلومون الفقير أن شح في قطعة سدو
راس ماله لو هو أصلا مايسمى راس مال
لاكن أنك لو سألته عن صديق وعن عدو
علمك وشلون تحذر من صواديف الليال
علمك وشلون ضاع وكيف أحلامه غدو
وكيف رخصت قيمته من سبب ذل السؤال
أن طلبتوا للشهاده ياهل الحق اشهدو
أن من يصبر ينول ومن صبر بالحيل نال
مراق اللي من قصيد

الموضوع الأصلي: يالساني لاتكلم غير بأسلوب البدو وياذراعي لا تجيب الا حلال في حلال | | الكاتب: النمر1012 | | المصدر: شبكة بني عبس

[غربة الروح !!]

لاهنت ع القصيده الرااائعه ..
تحيااااتي لك

[راسبه بالحب]

سلمت الايادي .. لاهنت ع النقل ..

[النمر1012]

الله يسلمكم ومشكورين على المرور