[غربة الروح !!]

جرحك كريــــم وذكرياتك..كريــــــمة


صدر الحزين يطاوع الضيق .. و يضيق
. . . . . . . . .من كل صوب .. و تصبح العين ديمـه

ينزل مطر .. و يلوح براق .. و تفيـق
. . . . . . . . كل الجـروح .. المبطيـات .. القديمــــه

و أنا .. علـى الدنيـا قليـل التوافيـق
. . . . . . . . . ما غيـر أساوقهـا بـراي و عزيمـه

يا فـوح قلبـي مثـل فـوح الاباريـق
. . . . . . . . . .عليـك ياللـي لـك عروقـي محيمـه

أقبلت لي و الحـب .. حـظ و توافيـق
. . . . . . . . .و أقفيت عنـي .. و النتايـج وخيمـه

علقـت نفسـك فـي زوايـا المعاليـق
. . . . . . . . و حطيت لك بيـن الحنايـا .. وسيمـه

و أصبحت عندي فوق كـل المخاليـق
. . . . . . . . .تخطي و لا لك غيـر قـدر و حشيمـه

و انا و ربـي مـا نقضـت المواثيـق
. . . . . . . .لا زلت أشوفـك راس مـال و غنيمـه

دونك سحاب الدمع و مشـارق الريـق
. . . . . . و عقبك ضياع و جرح قلب و هزيمـه

فأن بعتنـي فالسـوق بيـع الصناديـق
. . . . . . .عـز الله انـك بعتـنـي دون قيـــــــــمـه

ليتك تشـوف ابـواب قلبـي مغاليـق
. . . . . . . . ما هيـب لا و الله .. و عـادة حليمـه

ما همنـي و النـاس جمـع و تفاريـق
. . . . . . . . . ما دمـت منتـب فيـه روحـي يتيمـه

يا صاحبـي تبكـي عليـك الطواريـق
. . . . . . . . جزل البيوت .. الفـاردات .. العديمـه

أرحل .. و طيبك فوق روس الشواهيق
. . . . . . . . . . لا تلتفـت لـي يـا قـوي الشكيـمـه

و أنا علـى خبـرك وريـث المطاليـق
. . . . . . . .راعي مواجيـب و شجاعـه و شيمـه

مثل الجبل و أقرب مثل عندك .. طويق
. . . . . . . . .شامخ .. لو ان الريح تنحـت صميمـه

يالله عسـى فالـك معـزه و توفـيـق
. . . . . . . . . .ياللي جعلت أهـداف عمـري عظيمـه

عقبك لي الله ثـم شمـس المشاريـق
. . . . . . . . . و الشرقـي و هبّـة هـواه و نسيمـه

و الشوق و هموم الجـروح المفاتيـق
. . . . . . . . .و البرد و الحـزن و شـوارع رحيمـه

يالغالـي اللـي كنـك بقلبـي اتـويـق
. . . . . . . . . .جرحـك كريـم .. و ذكرياتـك كريمـه

أنت و انا .. نشبه حضارات الأغريـق
. . . . . . . . . القوم راحـوا .. و الحضـاره مقيمـه


ممآ رااااق لي

الموضوع الأصلي: جرحك كريــــم وذكرياتك..كريــــــمة | | الكاتب: غربة الروح !! | | المصدر: شبكة بني عبس

[الفجواني]

أنت و انا .. نشبه حضارات الأغريـق
. .. القوم راحـوا .. و الحضـاره مقيمـه
اعجبتني القصيدة مداخلها كثيره ..
صح لسانك انتي ولاهان شاعرها
تقبلي مروري ..

[غربة الروح !!]

اقتباس من مشاركة الفجواني أنت و انا .. نشبه حضارات الأغريـق . .. القوم راحـوا .. و الحضـاره مقيمـه اعجبتني القصيدة مداخلها كثيره .. صح لسانك انتي ولاهان شاعرها تقبلي مروري ..

صح بدنك اخوووي ..ولاهنت ع مروورك الذووووق

دمت بخير

[راسبه بالحب]

أقبلت لي و الحـب .. حـظ و توافيـق
. . . . . . . . .و أقفيت عنـي .. و النتايـج وخيمـه


سلمت الايادي .. مره روعه الابيات ..

لاعدمنا ذووقك المميز ..

[غربة الروح !!]

اقتباس من مشاركة راسبه بالحب أقبلت لي و الحـب .. حـظ و توافيـق . . . . . . . . .و أقفيت عنـي .. و النتايـج وخيمـه سلمت الايادي .. مره روعه الابيات .. لاعدمنا ذووقك المميز ..

لاعدمت مرووورك الرااااقي يابعدهم

دمتي بووود

[احمد منيف]

صح الله لســان شاعرها ومشكوره اختي ع النقل الطيب

[عادل بن هون]

اختيار رائع والاعذب ذوقك

[غربة الروح !!]

اقتباس من مشاركة احمد منيف صح الله لســان شاعرها ومشكوره اختي ع النقل الطيب

لاعدمنااا مرووورك الوااافي اخوووي

دمت بخير دوووم