[عايض الدمح]

السلام عليكم ورحمة الله وبركاته

أقدم لكم هذة القصيدة وبني رشيد تستاهل اكثر

هات القلم واكتب على الخط لي خط = وإحذر لا يحذف حرف وإلا نقاطي
من شان ما تكتب وتنطق وتغلط = ويصير فيها ميل عن الصراطي
لعبس جزلات المعاني تقلط = مشبهه بالريح بسفوح شاطي
بني رشيد وبالمعارك ما تخلط = يحمونها لا نقضن العواطي
إمبراطورة الأمجاد ما عزها إنحط = لو الزمن عيا والصدق غاطي
نرقى بفعل أجدادنا ما نتلخبط = أسطورة التاريخ دون احتياطي
أمجادنا تنحت على الصخر ونقط = مثل الذهب والماس وزن القراطي
تشهد معارك ما محاها الزمن قط = يكفي أربعين عام(ن) وحنا بنشاطي
هذي بحرب(ن) واحدة وزودها حط = يوم الفروق واقرن وفيها ارتباطي
مع إجبلة وذات الجراجر وتربط = في الرحرحان والخاثرة بلا غلاطي
ومعركة شعواء ومريقب بلا خطط = نصف جدع الروس صف البلاطي
ولا تنحصي بعداد وكتاب صفط = اللي رحل واللي بقى من الصواطي
واليوم بالدين الحنيف ما حد(ن) غط = حقوق أحد والعدل دون إشتراطي
نبايع الحكام والخاين يصط = حتى يعرف العهد دون اختباطي
وترى بتكاتفنا أعدانا تجلط = واحنا حرار(ن) شقر محنا غطاطي
وبالدين نردع كل حاسد ومنحط = وبعلمنا نرقى بليا انحطاطي
والنعم في كل القبايل ولا اقرط = حقوق احد واصير بالحق خاطي
ولا يهضم احقوق البشر غير ابن قط = اللي يسمى أول بإبن الرهاطي
تم القصيد وختامها فيه نربط = صلاة ربي على النبي المحاطي

الشاعر / عايض نما الدمح

الموضوع الأصلي: إمبراطورة الأمجاد ما عزها إنحط | | الكاتب: عايض الدمح | | المصدر: شبكة بني عبس