[سيوف بني عبس]

عبد الرحمن خضير
ياسلام الله على اللي حاظر من ضميرن وافي=لارجال طيبين نقوله من ضميرن وافي
متعب العلوش شاعر قادر والولد متعافي = ما معاذيره هنا مقبوله والولد متعافي
متعب المظيبري
مرحبا ترحيب يرضي الخاطر للعميل الصافي =والعلوم الطيبه منقوله للعميل الصافي
والله اني لا لقيت الشاعر ما علي خلافي = كل علمن يصلك بوصوله ما علي خلافي
عبد الرحمن خضير
كل ماهلت مزون الماطرتطلع الاريافي=والمرابع ماهي مجهوله تطلع الاريافي
لوذبحت شعيل ولاالفاطركل طيب ياشافي=مير خذلك بالمعاني جوله وكل طيب ياشافي
متعب المظبيري
المطر جاكم وجاكم ساهر وانت راعي سعافي = والذلول ان روحت معقوله وانت راعي سعافي
اخر الايام تبغى تكابر لا استوى المحرافي = مير هرج الناس وش مدخوله لاستوي المحرافي
عبد الرحمن خضير
كل مسلم مايحب الكافر والليالي عجافي = موتته شهادتن مكفوله والليالي عجافي
يحسبنه بالمعاني شاطر والوفا بميقافي = واللغوز اللي طرح محلوله والوفا بميقافي
متعب المظيبري
ماحدث بالامس يطلع باكر ياهل الاهدافي = لاتهول والليالي هوله ياهل الاهدافي
آخر الايام وشب الكاسر مارقى المشرافي = شفت جنحانه تقل مشلوله مارقى المشرافي
عبد الرحمن خضير

يذكر الله كل رجل ذاكر ماعلى الله خافي = وابو متعب جاك يمشي طوله ماعلى الله خافي
مومن حامد لربي شاكر لولفيتك حافي = مومن برسالتن مرسوله لو لفيتك حافي
متعب المظيبري

الليالي شبرها متشابر ستر ربي ضافي = مير كثر البلبله وشوله ستر ربي ضافي
انت ابومتعب لضقت اتسافر غيبتك تنشافي= والمطبل لو يدق طبوله غيبتك تنشافي

الموضوع الأصلي: محاورة متعب علوش وعبدالرحمن خضير | | الكاتب: سيوف بني عبس | | المصدر: شبكة بني عبس

[الشاطئ المهجور]

سيوف الله يعطيك العافيه أخوي على النقل

صح الله لسان الشاعر عبد الرحمن خضيرالرويضي

صح الله لسان الشاعرمتعب المظيبري

اهنيك على الابداع

مشكور اخوي سيوف

[سيوف بني عبس]

حياك الله اخي الكريم شاكره لمرورك الكريم

[متعب المظيبري]

مشكوووووور ه والله يعطيك الف عافيه

[ناصر الخياري]

الله الله عاشو الشعاار

[سيوف بني عبس]

شكر لمروركم الجميل وردودكم الرائعه