[عبدالرحمن الحميدي]

السلام عليكم
بدايةً اعتذر عن الغياب المتكرر
واتمنى أن تشفع لي قصيدتي.


عــذابي منـك ياعشق الطـفولـه
.....تـعـذبـنـي وانـا بـسـن الـرجــولـه

أخـفّـي مـابـدا والشـوق يفضح
....يــكــذّب شــيٍ لــسـانـي يـقـولــه

يـبـايـن مـاهـو لأهـل الفراسه
....أقــل عـقـول خــلــق الله تــطـولــه

مـصــيـبه والمصيبه أي طاري
.... يـجـي بـإسـمـك تـعذبـنـي فـلـولـه

وانـا والله لا نــوره ولا اسـمـا
.....خـذن بـالـقـلب لـو هـي ربـع جولـه

أحبك والـمــحـبـه صدق عـلّــه
.....كـفـانـي صَـب والـنـفـس إمـعـلـولــه

أشوف الـنـاس وإنـتي في عيوني
....واشوف الشخص زولك وسط زوله

أســـوي بـالـحـيـاه إنـي مـركّـِـز
......وانـا عـايـش بـ لـحضـات إمـخبوله

وانـا اشـهـد يـاغــلاي إنـي بقوّه
......اسـولـف واتـبـسّـم وبـسـهـولـه:

أكـشّـر لا دخـل بالـقلـب ذكـرك
...وأحـس الـقـلـب مـعـلـن لـك مـيـولـه

تـعالـي لـيـه مـن وقـت إخـتفيتي
....ولِـك حـبٍ سـطـى بي مـن أصولـه

ثـمـان سـنـيـن مـاغـيـر بمنامـي
....تـزورينـي بـلـحـضـاتٍ عـجولـه

لـو إني بـالـمـنـام اشوف طـفـلـه
.....أحـس الكون ملْكٍ لـي وانـولـه

واقوم من المنام بصفوّة إيدي
...وجيش الشوق تدهسني خيوله

تعبت ولا نسيت إن التلاقي
....معه ننسى تفاصيل الطــفولــه

عسى الله يجمع الاحباب مره
......واعيشك حـب في سن الرجوله

الموضوع الأصلي: عشق الطفوله | | الكاتب: عبدالرحمن الحميدي | | المصدر: شبكة بني عبس

[كاتب الرشيدي]

صح لسانك ياعبد الرحمن

قصيدة رائعه على بحر له رونق بهذا اللحن

لاعاد تغيب

[قطاع الفيافي]

صح السانك يوليدي

[محمد الراشد]

وانـا اشـهـد يـاغــلاي إنـي بقوّه
......اسـولـف واتـبـسّـم وبـسـهـولـه:

أكـشّـر لا دخـل بالـقلـب ذكـرك
...وأحـس الـقـلـب مـعـلـن لـك مـيـولـه


عبدالرحمن انت شاعر جميل جدا"
ولا زلت انتظر مزيدك

[احمد منيف]

صح الله لسانك اخوي ومشكور ع القصيدة الطيبه :)

[عايد2001]

صح السانك قصيده جزله

[المشعل]

ابيااات راائعه

صح السانك عبدالرحمن

تقبل مروري وتحياتي

[عبدالرحمن الحميدي]

مشرفنا القدير كاتب
كل الشكر لمرورك الجميل.