[رشيدي متعصب جدا]

وين انت
وين انـت ياللـي بنظراتـك مولعنـي

اللي يناجيـك باسلـوب الهـوى ناجـه

اطلـق عنـان السوالـف ثـم سمعنـي

صبري قبس من سكوتك نـار وهاجـه

تدري وش اللي علـى لامـاك يدفعنـي

شوقن بصدري لحوح وكثـر ازعاجـه

كانـك تقـدر دخيـلـك لاتقاطعـنـي

تـرى غيابـك عليـه سلـط افـواجـه

وتدري وش اللي على رجواك شجعني

لوكنت اعرف ان رجوى الوصل منعاجه

بيـت(ن) ل(ثامـر) لغنيتـه يضيعنـي

محتاجلـك حيـل والله يقطـع الحاجـه

تعال يكفـي غيـاب ارجـوك طالعنـي

يمكن تحس بعـذاب الصـدر وخلاجـه

لوقلـت ابنسـاك قلبـي مايطاوعـنـي

القلـب محتاجلـك والـروح محتاجـه

وان كان مالان قلبك فارحـل ودعنـي

برمي همومي على البحر وعلى امواجه
------------------------------------------------------
الله واكبر
الله واكبر كبـرت وصـرت تتكبـر@@ من عقب ماكنت مرسى من مراسينـا

جرحت قلب الغرام وجيـت متهـور@@ خًيلـك انـك علـى كيفـك تمشينـا
خيبت ظن الحبيب وحظـك الاقشـر@@ خلى كتـاب الحقيقـة بيـن ايادينـا
كنت احسبنك ذهـب لانـه مايتغيـر@@ لكن خسـاره بعـد خابـت هقاوينـا
يوم انت في حاجتي مااقول غير ابشر@@لاخير باللي يضًيـق صـدر غالينـا
ونسيت يومك لاضقت وخاطرك كدَر@@اقول ريَـح وخـل الحـزن يشقينـا
مارضى عليك الشقا ياصاحبي مااقدر@@انسـه وخلـه يخَيـم فـي محانينـا
والحين باب العتب مقفـول ومسكـر@@وبموج بحر الفـراق تضيـع امانينـا
مادمت خاين تخلـط السـم بالسكـر@@وحنـا نضحيلـك بفرحـة لياليـنـا
اخر حلول الفـراق وشـي ومقَـدر@@سفينة الصبـر تاهـت مالهـا مينـا
---------------------------------------------
هلابك
يطول الصمت بعيون الكلام وتكشـف الاسـرار
دموع البعد والفرقا على اللي غاب عـن عينـي
يفوح الشوق في صدر الهموم ولاعليـه غبـار
غرامن يسكن بصدري ويجـري مـع شراييني
والاياهاجس الذكرى وش اللي صار وش ماصار

اشوفـك بعـد ماطـول غيابـه جيـت ناوينـي

صحيح ان الزمن قاسي صحيح ان الزمـن دوار
صحيح ان شوقي لشوفـه مـع الايـام يكوينـي
ولكن صابره نفسـي وبركـان الصبـر ماثـار
ولا باقن معي عقبـه سـوى شعـرن يواسينـي
على درب الحزن سقت القدم لوطول المشـوار
مشيت بدربه المظلم ولا ادري لو مشـى فينـي
هلا ياطاري الحب القديـم ان جابـك التذكـار
هلابـك عـد ماتنبـت مـن الزهـر البساتينـي
هلابك عد ماقام (الرشيـدي) ثـم شـب النـار
هلابك عـد ماهلـت دمـوع اهـل المساجينـي
هلابك عد مالاحـت بـروق الوسـم بالامطـار
هلابـك عـد ماطاريـك بالفـرقـا يسليـنـي
هلابك عد ماالمسلـم يصـوم ويذكـر الاذكـار
وهلابك عـد ماشعـري ورى الجزلـه يعنيُنـي
هلابك حي هالطـاري واردد هالكـلام امـرار
ومكانك في صميم القلب لامن طحت من عينـي
-----------------------------
صديت
صديت لوماني على الصـد مجبـور
وسافرت عن دنيا الاماني وسجيـت
سجيت رجل البعد مع قاع ممطـور
ممطور من وبـل المفـارق وقفيْـت
لوانـك اللـي طلتـه طلـة النـور
ولو اني اللي فـي فراقـك تماديـت
لكن عزيز ولارضى يعيش محقـور
من عز نفسي عن دروبـك تنحيـت
ماكنت احسبنك كـذا ميـت شعـور
وانت الوحيد اللي من اعماقي اغليت
حسبي عليك اشقيتني وانت مسـرور
وخليتنـي لانـي بحـي ولامـيـت
ساقتني الذكرى لو البـال مكسـور
وجيت المكان اللي من سنين حبيـت
جيته وشوقي صاح صيحه من الجور
وذكرني بذكراك من حيـن مريـت
لكـن قسـم بالله ماقـول مـعـذور
لاتقول وش سويت قل ويش خليـت
اليوم حنـا حبنـا صـار محظـور
سكرت باب الوصل لوكـان دقيـت
ولاتحسبك للجرح وان جيت دكتـور
لا والذي حجولـه النـاس بالبيـت
كذا الزمان يـدور ويـدور ويـدور
ولاعادلي حيله من الصبـرمليت
-------------------------------
خنجر غرامك
انا لوقلت ماأحبك انا لوقلـت لـك ماأغليـك
تأكد بانـي اثمـن كلامـي يـوم انـا اقولـه
انا لوقلت لك حبـي احـس اقولـك ماابيـك
انا لوقلت لـك خلـي تقـل بايعـك بسهولـه
انا مااغليك مااحبك انـا بالحيـل ميـت فيـك
انا مااشوف غيرك في زماني عرضه وطولـه
انا صرت الضحيه في هواك وضعت بين يديك
ونفسي من سبب خنجر غرامك نفس مقتولـه
لاصار بليس بالجنـه ترانـي يمكـن اخليـك
اكيد انـه ماهـو بالجنـه ولاهـي بمعقولـه
كذا بثبتلك اني فـي زمانـي مانـي بناسيـك
لو ان العاذل لبيتـك وبيتـي يتعـب رجولـه
وانا والله ماني بايعك فـي هالزمـن شاريـك
ومن يسعى بفرقانـا مـراده يبطـي يطولـه
---------------------------------------
طبعي كذا
على طريا الغرام اللي بقلبي لـه ثـلاث سنيـن
وطت رجلي على درب الغرام وطال مشـواري
وانا لي صاحبن قاسـي وقلبـه مستحيـل يليـن
بروق الحزن بغيابـه تلـوح وتجـذب السـاري
وانا طبعي كذا مااشكي ولايمكـن خفـاي يبيـن
وانا حسبي على الطاري ليامن جابـه الطـاري
رماني بطلقة الذكرى واعيش بجرحهـا عاميـن
ولااحدن يجهل الطلقـة خطيـره نوعهـا نـاري
وطبعي ماارخص الغالي وطبعي مااتبع المقفيـن
وشخصن صد عن وجهي حشى ماني عنه داري
بنيت الحلم في دنيـا الوصـال وعشتبـه ياليـن
هدم حظي جميع اللـي بنيتـه وانطفـت نـاري
طفت نار الامل مدري غدابي هالزمـان الشيـن
وهاذي اخر اخباري لمن يسـأل عـن اخبـاري
ولايمكن يضيق الرجل بالدنيا سوى مـن امريـن
ابنطقهـن مـن لسانـي بمـا تعطينـي افكـاري
يضيق ان فارقه خله او انـه شـال هـم الديـن
وهاذي تعتبـر وجهـة نظـر ولاهـي اجبـاري
يصير ان البشر ماهـم بهـذا الحكـي مقتنعيـن
وانا اعرف كل شخصن له نظر وانا على انظاري
ولكن الحقيقه مثل نور الشمـس شـوف العيـن
وتبقى واضحه لوهـي تطفـى كـل الانـواري
وانا وجرحي نوينا للسفر لاشـك مـادري ويـن
اشيـل الجـرح وارحلبـه ولاينـداس مقـداري
ولوجرحي نزف بالشوق علقتـه باأمـل بعديـن
واقول تهون ياجرحـي وهـذا حكـم الاقـداري
ليامن جابه الطاري مااقـول يهـل دمـع العين
اقول تضيق في وجهي ليامـن جابـه الطـاري
--------------------------------------

وتقبلو تحياتي

الموضوع الأصلي: مقتطفات من ديوان (شاعر حائل)مشاري بن سرهيد | | الكاتب: رشيدي متعصب جدا | | المصدر: شبكة بني عبس

[" اللؤلؤة "]

قصآيده روعة
صح لسآنه ولآ هنت

[سـعود المضيـبري]

صح لسانك ومبدع ,,,,,,,,,,,,,,,,

[بندرأبن طريف المظيبري]

كفوا بيض الله وجهك

[محمد الراشد]

درر لا ادري ماذا اختار
مشكور يارشيدي

[غربة الروح !!]

صح ح ح لسسسآااااانك .


. ابداااااع وربي ..لاهنت يآذوقنآاااااا

[خالد بن الوليد]

كفوا بيض الله وجهك

[مرزوق العجوني]

صح لساااانه ولا هنت على النقل اخوي