[الفجواني]

معركة شريفة التي وقعت بين قبيلة بني رشيد بقيادة قاسم بن رشدان البراك.,

وبين قبيلة عنزة بقيادة فرحان الأيدا شيخ ولد علي .

وفي هذه المعركة وقع فرحان الايدا اسيرا في يد فرسان بني رشيد

إلا أن ثامر ابن سعيدة القلادي الرشيدي من عليه واعتقه من الاسر كما يصف ذلك شاعر بني رشيد الفارس عتقا الداموكي ونلاحظ ان الشاعر في قصيدته لايذم فرحان

الايدا بل ينعته بأحسن الصفات والقصيدة طويله قيل انها 99بيت نذكر منها

بديت في ذكر الولي قبل الابيات= من قدم المولى فهو مايخيبي

جانا معشي الضيف بالجمع زافات = واخوات بقشة منحزين الحريبي

جمع جهينه مع بلي والشرارات= مثل التهامي يوم شمسه تغيبي

يشدون دكات الدبا جوك زافات=والاضلامآ دك روس الجذيبي

تشاوحونا تقل مقهور خلفات = وردوا عليهم منغصبين الشريبي

بني رشيد من الظفر جوك ردات = الكل يفدع مثل حر قضيبي

مسبلين ارواحهم بالصعيبات=دون المعور وامهات الحليبي

ولا لي حسايف غير عود(ن) لنا مات = وثراه عنده مثل قرط الخشيبي

ولا حصلوا منا صمايل وفلحات = إلا طياح القش ماهو مثيبي

كم واحدآ من شور فرحان كدفات=هذا صويب وذاك ينقل عطيبي

تسعه وتسعين المدالي المهمات=اللي وطينا طايحآ بالشعيبي

فيهم سباع شريفه اللي هزيلات= مربعات وناشياتن بطيبي

تاخذ عليهم ضبعة الضلع كيفات=والطير ياكل لين شمسه تغيبي

ماياكلن الاالفطاح العذيات= اللي من الويلان عيا يهيبي

حتى انت يافرحان عقناك بالذات = عقناك وانته فوق زين الهذيبي

مشعان كبك في نهار الملاقات= وهزاع واللي يدركون المصيبي

راحو على قحص المهار العريبات=خلوك يافرحان عشى كل ذيبي

حريمهم يوم المكاسيب كرهات=الكل تعول مثل خلج العزيبي

ياكم هنوفآ عقب لبس الحمارات= على شهود الصبح تقنب قنيبي

دليم غايب والنقا فيه عادات= لعل قول الشيخ فيكم مصيبي

ابن سعيده عتقك بين لمات = عيا عليك الله ودمك مريبي

في ساعة للموت حليا وشارات= لولاه لو صيحت مالك مجيبي

مايستوي للموت نفوس(ن) كريمات = ياللي بلوذات المساعر تطيبي

بالقول وحنا ماندور لـ.ضيفات = تحط مع هبر العداوي عصيبي

الموضوع الأصلي: قصيدة معركة شريفة | | الكاتب: الفجواني | | المصدر: شبكة بني عبس

[غربة الروح !!]

لآهنت أخووووي ع القصيده .... تقبل مرووووري

[الفجواني]

احلىى مروووور اختي عذبه مشكوره ...

[رسام]

شكرا لك اخي الفجواني على القصيده بالبيخ

[الفجواني]

اشكرك اخوي رسام على مرورك ...... لبخك ابو فنيله قصيره وانت تصيد عند مزرعته ههههههههههههههههههههههههه

[أحاسيس]

قصيده رائعه يعطيك العافيه

[الفجواني]

يشرفني مرورك كبرياء

[دانه]

يعطيك العافيه اخوي علي هالقصيده الراااائئئئئئئئئئئعه