[المر العذب]

مرثية في صاحبة السمو الملكي الأميرة/ صيته بنت عبدالعزيز آل سعودر رحمها الله

للشاعر ساري/ خالد التويجري رئيس الديوان الملكي

راح العمر بأيام (صيتة) وانا أشوف=عزالله انها يابو متعب فقيده

قال: القوي الله والانسان مصدوف=العمر يفنا والليالي مديده

الأرض بيت الله وحنا بها ضيوف=أسأل الله قديم الوقت وانشد جديده

قلت: الحياة أيام واقدار وظروف=وجروح أهلها يابو متعب أكيده

الدايم الله... كل ما راح مخلوف=إلا فراق اللي عيونك تريده

قلت: العزا يا أمان ربي من الخوف=سلوى الحزين وشمس عمره وعيده

عبدالله المحبوب ياعز موصوف=يا سيدي.. يابو الصفات الفريده

وقفت لك قلوب.. يعزونك صفوف=الحب سيد.. والمشاعر عبيده

لا تنشدون الدمع وش فيه مردوف=(صيتة) توارت عن عيونه بعيده

صلوا عليها العصر في المسجد وقوف=وهلوا عليها.. ما طهر من صعيده

بنت الزعيم اللي روى الأرض بسيوف=أخت الكريم.. اللي سنينه مجيده

راحت وراح القلب والروح والشوف=وهي تحسب انها يوم راحت.. وحيده!

باق لها.. فضل علينا ومعروف=يالله عساها في جنانك سعيده

داعيك داعي خير.. وارفع لك كفوف=وأسألك يا خالق.. سمائه وبيده

تعز ابو متعب.. وتحسن عزا (نوف)=وتجبر عزائنا.. كلنا في الفقيده

خالد بن عبدالعزيز التويجري

الموضوع الأصلي: خالد التويجري : صلو عليها العصر | | الكاتب: المر العذب | | المصدر: شبكة بني عبس

[ريتال الداموك]

الأرض بـيـت الله وحـنــا بـهــا ضـيــوف

رحمها الله تعالى وجعل الجنة مثواها
نقل جميل وأبيات معبرة
شكراً لك

[غرام البرازي]

يعطيك العافيه ..