ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
بعض قصائد الزعيم مساعد الرشيدي
جت في يدها وردتينٍ حمر قبل الشفق والشمس محمره النق نافر والسوالف خمر والموت بين العنق والغره والريح تاخذ من شعرها غمر تلعب معاه شوي وتثره ذاك الثليل اللي جمرني جمر اللي بغيت اموت من حمره قلت انورت كل الدروب السمر والعيد جا يمشي على الجره برق السنين ومجهمات وقمر جيتي وخفاقي نفض شره الليله ليله من ليالي العمر واحلى ليالي العمر بالمره قالت غيابك وانتظارك جمر وايطت تعاتبني وتتشره قلت ابشري والرمش يا مر أمر يالول وجداني ويادره واللي جمعنا يا انتظار العمر ما اعود هالفرقا ولامره ــــــــــــــــــــــــــــــــــــــــــــــــــ ولع رماد الشوق يامعذبي نار !!من كان يحلم باشتعال الرمادي ؟ ماكنت احسب انه يكون اللقا حار لين التقينا واشبكتنا الايادي وقامت لنا الذكري تغني على الطار تنساب باسماعي نغم حب هادي حسيت شي لفني مثل الاعصار واستيقظت نشوة غلاك بفؤادي اخذت لي سجه وانا شبه منهار بين الخيال وبين علمٍ وكادي وفزيت يوم انى تنبهت وش صار مثل الذى توه صحي من رقادي تغير الموقف بلا سابق انذار وغيرالمشاعر جت مشاعر جدادي رديت لك عقب التجافي والانكار وطويت صفحات الزعل والعنادي وتبددت ذيك المبادي والافكار ايه جنون افكار وايه مبادي تراي انا مليتها لعبه النار ما احد لعبها قبلنا واستفادي من رد للجنه عقب صالى النار حتى السموم يصير عنده برادي هذا انت والا حمرت الشمس واليم ريح المطر ولا نسايم حنينك يومك ضحكت وبش باوجانك الدم قبل الغياب وكلهم حاسدينك كن النهار اللي رسم للشفق فم ضحكه ثغرك اللي سماها جبينك هذا انت ولا من يضم الحشا ضم هذى يدين البرد والا يدينك ثلجي نحرك ... أدفي من غفاية الهم عن خاطر ٍ صحوات همه تدينك بأعانق احدود الضما والغلاجم وأبقي معك سيد هواك ورهينك صب لي شمس يانهار البشاير ... صب لى شمس باتقهوى وانا والله ...حياوى يكفي اني فداوى عندك امن امس وانت تشره على ثقل الفداوى احسب انك قبل لاتمد لي ... خمس تحتضني ... وانا امد الرهاوى لاتعجب ... تلمس خاطري لمس لاتغرك من بعيد ...الكساوى جايز اضحك لو انه خاطري عمس نوب ضحكني مثل طبعي نحاوى يمكن انى قريب ومبعد .. الرمس كل لونٍ لبس جسمي سماوى جيت اقص الزمان وجرته طمس قلت ابا انشد ... قنب بالرجم عاوي ؛ تخوفني مشاوير الطريق المظلم المهجور واليامني ذكرتك قلت طولي يامشاويري عزاي انك رجاي العذب لو كل الدروب عثور وصلت اوماوصلت اعرفك ما انته منتظر غيري حبيبي ..وكل الله لاتحسب إني بليد شعور لو انت المستحيل الصعب .. ماابدي لك معاذيري احبك ..رغم تجريح الليال لقلبي المقهور اشوف الجرح يكبر وانت تكبر وسط تفكيري احبك .. لو يموت الحب وتصير القلوب قبور احبك كلمة لو حرموها .. حل تفكيري احبك من هنا حتى طلوع الفجر ..حد النور صحيح انك قدر محتوم بس اجمل مقاديري بعذر اللي يحبك لو يصير الشاعر المشهور لأنك تنهمر حلو القصيده في تعابيري احد ربي يحطك له حبيب ..ومايجيه غرور ؟ وانا مهما بغيت استوعبك ياقل تقديري هلا بك من قدمك ... لغرتك لي شعرك المنثور هلا في كل شيٍ فيك وانت اغلي مساييري أثر صدق الغلا يجبر حطام الخاطر المكسور وانا مهما منحتك من غلاي اشعر بتقصيري ولو طالت مشاوير الطريق المظلم المهجور انا لامن ذكرتك قلت..احبك يامشاويري في زمان كنه البرد .. شبيت القصيد قلت ابدفا والليالي تموت ببردها في طريق كنه الموت والحالي وحيد قلت ابحيا والمنايا تبوح بسدها أتقارب هقوة العمر لو كانت بعيد واتغني بالمقابيل واخطب ودها لاقديم الجرح يقوى ولاجرح الجديد يخلف الناس العزيزه عن اللي ودها والله اني ماتنازل .. لي رايٍ عنيد لين أداعب غرة الشمس ..والثم خذها وانزفي ياوردة الشعر .. من دم الوريد لاتجفي في عروقٍ .. تراجف يدها ياقصيدي كان الأشعار سادات وعبيد والله انك من بحور ..غريبٍ جدها ماتقاود مهرة الحرف للقلب البليد ياقصيدي خذ رسنها ..وخلك قدها في طريق كنه الخوف سليت القصيد قلت ابحيا والليالي تموت ببردها آخر عباراتي وداع ..وآخر مشاويري رحيل جيتك وبي لفحة ضما واقفيت كبدي ناشفه اصعب كلام أصعب خبر صرخه عقب صمت طويل مثل الهدوء اللي سبق لحظة هبوب العاصفه وأنتي بمتناول يدي ... تبدين مثل المستحيل في عشرتك صوت العقل يقتل طموح العاصفه الحب ماهو كل شي إليا وقف حظٍ بخيل قلوبنا مثل العسل بس الظروف مخالفه لاللندم ..لاللعتب .. أوشي من هذا القبيل وانتي ماجا منك خطا حتى تقولي اسفه من غير ليه .. استسلمي ..واستلهمي صبرٍجميل ولاتسأليني وش جرى مالك بطول السالفه قولي لهم ياعزوتي ماعابنا موت النخيل اللي يوافيها الأجل وتموت لكن واقفه آخر عباراتي وداع آخر مشاويري رحيل جيتك وكبدي ناشفه واقفيت كبدي ناشفه
|
|
|
رد : بعض قصائد الزعيم مساعد الرشيدي
حزين من الشتاء والاحزين من الظما ياطير دخيل الريشتين اللي تضفك حل عن عيني دخيل الما ..وملح الما..وحزن الما قبل ماتطير تهيا للهبوب اللي تصافق في شراييني دخيل الغصن والظل والهزيل وهفهفات إعصير دخيلك لاتشح بنجمتي والليل ممسيني ترفرف يافقير الريش ضيقه والنهار قصير علامك كل ماليل جناحك جيت ساريني انا ماني بخير وجيت يمي وانت مانت بخير وانا ياطير في من الهجاد اللي مكفيني ترى لو شفت لي ظل ومهابه في عيون الغير ترى كل الزهاب اللي معي جرحي وسكيني بين فرحة لقاك وهم فرقاك لاتذكرت جرح ولا نسيتك حي هالشوف ماتنمل دنياك شف سواة العيون ليا لقيتك عين تشربك شوف وعين تظماك لاذبحني ظماك ولا رويتك قمت اخيلك هنا ... وهناك .. وهناك وين ترحل بي النظره نصيتك ان تبسمت قلت الموعد شفاك وان تمنعت بانفاسي دعيتك وان طلبت الغلا قلت الغلا جاك وان سكنت الخفوق البيت بيتك وان نثرت القصيد بدرب لاماك ذاع صيت القصيد وذاع صيتك يارجا العمر لو حفتك الاشواك ليتك اول طريق القلب ليتك ودع البرد كف ضم يمناك صافح الود قلبي يوم جيتك حي هالشوف رغم هموم فرقاك لو تناسيت جرحي مانسيتك ؛ حب جديد .. وقصيدة عشق مجنونه الله يحييك ياحب لفاتوه حب لكله .. وحبٍ بس لعيونه حبين باقصي خفوقي بس له هوه ايه انصتي ياشجون الروح ممنونه جاني رقيق المشاعر ناوي الخوه جاني حبيبي وعمري فرحة غصونه ربيعها يوم سال السيل من نوه يوم انهمر لي حنانه باعذب لحونه قلت الله الله صفا جوي على جوه والله لـ..احبه ولو حظي وقف دونه مافيه قوه تصد الحب بالقوه بس انتظر يازمن لين اعلن المونه ومن بعدها اللي تسوي يازمن سوه ؛ كيف أطفي الريح بثيابك وكيف اشعلك كيف اتنثر على جمـرك وكيـف احتويك نقضت ليل الحرير وجيت ماانت ل هلك سمّيت باللي فتني بـك وقلت ابتديـك هذا اول الدرب او هذا الطــريق اولك جيت آتوقّا عذابات المدى ..واهتديك شوقـي مسافـة وهمساتـك مـدار وفلك ان ماظميتك غلى ..ياعلني ماارتويك إية اعرفك واعرف اني من غلاك اجهلك مرات اضمّـك واخـاف اني مشبة عليك مـرات اشوفـك بنفس الوقت واتخيـلك وانشد كفـوفي عن اخر سالفة من يديك أعـنّ لك لـو تصّـب المـوت ...واتهيّلك واجـوع لـك وآتمـنى خنجـرك واشتهيـك ماقلـت لك عمر سيـف العشق مايقتلك ماتشوفني حي قدامك وانا امـوت فيك اشتقت لك قبل اجيك وجيت واشتقت لك البارحة طول ليلي بين هذي ..وذيـك مليت جمـر انتظارك واستحيت أسألـك واحسبتني ما بعد جيتك وفكرت اجيـك اثرك بقلبي من البارح وانا استعجلك واثري نسيتك من الفرحة وقمت احتريك ؛ على كثر الكلام ... وكثر ماقبل الكلام جروح سكت ... ومالقيت الكلمتين الي علي بالي أخاف إن قلتها ... ماقلتها ... وان قلتها بوضوح توسدني ملامات الرفيق وشرهة الغالي كذوبه يالهوجس اللي على الخاطر تجي ... وتروح بغيت أزبن ذراها ... واستريح وماتهيالي ورحت أتلي شتاتي ... واترجي صوتي المبحوح تموج بي الدروب ومسندٍ كفي على ظلالي عسي مانتي رجايه يابروقٍ في سماي تلوح يشرهبني رعدها والضما بالصدر همالي نقلت جروح ماعرفها بقلبٍ مرهف مجروح تنطحت البياض ... وسود الله وجه عذالي صوتك اللي بقالي من ليالينا عاد لو غاب صوتك ويش يبقالي صوتك الموج والمجداف والمينا صوتك الناس لوني في خلا خالي صوتك الذكريات اللي اتدفينا كل ماهل شفت العيد يبدالي صوتك بعيد مثل البعد يطوينا صوتك اغليه ... صوتك يابعد حالي من غروب الكلام لشرق اسامينا ياحبيبه وصوتك عندي الغالي سولفي ... لعنبو هــمٍ يبكينا انت اقصى مدى الهقوات والتالي مالها حد شرهتنا وامانينا والمسافات قشرى مالها والي يقبل الليل لامرفأ ولامينا عاد لو غاب صوتك ويش يبقالي ينجرح قلب.. لكن ترتفع هامه والله امي لاموت ولاانحني راسي لو رماني زماني وسط..دوامه العواصف شديده .. والجبل راسي أنقل الحزن وامشي منتصب قامه قاسي الوقت .. لكني بعد قاسي واسمع الحلم يصرخ لحظه اعدامه رابط الجاش ... ماهز الخبر باسي عزتي غاليه ..والناس سوامه قلت ماابيع حتى تقطع انفاسي زانت ايام عمري .. شانت ايامه مارجيت العزى من رحمة الناسي من عجز لايدوس الهم باقدامه لازم انه مع الايام ينداسي يندمل جرح القلبٍ ..ماتت احلامه بس ما اظن يبرى جرح الاحساسي يوم صارت مابين القلب والهامه وش ابي بالحياة الياانحنى راسي
|
|
|
رد : بعض قصائد الزعيم مساعد الرشيدي
كلك تعالي غلا ... والاارجعي كلك بعض الغلا منك مايستاهل الجيه طالت وانا في رجا ليتك..وياعلك أوراق بالذاكره ..واوراق منسيه مابل ثوبك مطر شوقي ولابلك لوعلتك من سحاب الروح وسميه ليه امشي الدرب دامه مايوصل لك تخاف رمضا الضياع اقدام رجليه يابنت تو الهوى ماصرت انا خلك للحين .. مازالت الصوره رماديه ومازال بغض الغموض الشره يحتلك وشلون انا اعشقك واحبك على النيه اشوفك هناك قدامي .. ولاادلك صعب الكتابه ليا صار الورق ميه إن كان شمسك تساومني على ضلك ماعاد ابي منك لا شمس .. ولافيه اما تعالي لقلبٍ .. فز لك كلك والا اتركيني ما ابي لك بالهوى جيه ؛ تذكرين الغلا والصيف والسوده !لمة البرق ..والخلان..والرعد !تذكرين القصيد ..وسلهمة سوده !!واحد كان مامثله ولاواحد تذكري ..غيرته..ورضاه..وصدوده !!تذكرين المطر ..والشعر .. ومساعد عاشقك جا يقود الشمس وتقوده دفتره ياسمين ..وغيمته ناهد شاعر من عيونك يطلب الزوده جا يجدد قديم الولف ويعاهد سودة أبها يدين العذر ممدوده حجتي ماتبي قاضي ولاشاهد يوم فتك لصدر الغيم مشدوده وردةٍ تستغيث وعطرها ساجد خذت ضيم الضباب اللي ثني عوده ماترك لي قليل ولاترك واجد يكفي انك على ثنتين محسوده !بنت عم السحاب ..وشاعرك خالد سمها ذكرى مزوح اللي تسمي انت ابو خضر الطعون وسمها انت ياشيخ البها سيدي وعمي تنثر ايامي عبث وتلمها انت همي ول يامحلاك همي مع ياملح السنين وهمها قبل اقول لسود الحلوين سمي من غلا سودك غرقت ف يمها ان ندهتك تنبت نواويرك بفمي المحك شمس نهاري يمها جيت لك من جمر الشوق متحمي كل ماتبرد طعوني ضمها جيت لك واقصى معاليقي تومي هم يخطيها وهم يخمتها ان ضميت اشرب سواليفك بدمي وان تثاقلت الدروب ازمتها وان خذتك مني عين ماتسمي العن الدنيا وابوها وامها ؛ البارحة كل رمش سل شلفاه وانا على نيتي ساهي وشارد مسرح وجمهور متبلد وملهاه يوم انت تطعن حشاي بدم بارد ياسيدي من يقول الموت مأساه والموت بغضايتك خيل تطارد ماعندك الا حلالك وحلا لاه لي اركيت قلبي على سود المبارد الرمش طاغي وانا ماني بوياه صدرت ضامي غلاك وجيت وارد شبيك لبيك قلب العبد لله بين اصبعينك غدا خادم ومارد اطلب وتدلل فداك اللي تمناه لو تطلب الشمس وسهيل وعطارد العنود اللي مساء البارح وانا سيد سهرها اقبلت مثل البياض وودعت مثل الخطية المساء ضج بسوالف عطرها واشعل سفرها والعروق اللي روت مسيارها خضر وندية مانشدت اخت المهاه ليامتى حزة خدرها حد علمي يوم امد لجيدها شرهة ايدية عقدها المغرور تاة بعطرها ولا نحرها ساعة اشرة علية وساعة يشرة علية كل مالدت على البال والعقد يخرزها قلت انا ماني خوي عادتة ينسى خوية ليتها تدري وعقد الماس لويدري عذرها اشهد ان الجمرة اللي في الحشاء منى وفية من سرت يمي وانا مالي خيار الا قدرها كنها كل السنين المقبلة والأولية من غدت همي وانا مالي ديار الا ديرها جالها بين الظلوع الظامية روحة وجية جادل كل الدروب المعشبة تنبت بثرها جت تبي جرح وقصيد وخلت الثنتن لية من يحدثني حديث الثلج للجمر بثغرها والله اني كنت ناوي لي بهاك الجمر نية من نشد هاك الوساع الخرس عن دنيا حورها وش جمع سحر الغموض بسودها والنرجسية الوكاد اني بشط الكحل غنيت لبحرها ماحلا هوسة هدبها والمساء والسامرية من يعلم مستريح الريح عن فوضى شعرها الحرير اللي كسى هاك المتون العسجدية علموة ان مازح الغرى ونشد عن قمرها لايخاف ان شاف ظلما وشاف الشمس حية ادخل على الله واسلم الامر تسليم واستغفرة واستذكرة واستميحة وضح النوايا والمساري مجاهيم والحلم غالي واليالي شحيحة سادت مفاهيم وبادت مفاهيم ويح الزمن يابنت الاجواد ويحة خلي علوم أمسيسن المرازيم واخذي علوم مصمصمين القريحة حنا طنايا عبس يامذير الريم حنا مقابيس الوغى يامليحة حنا سلايل قاسم الخيل ودليم وزعتنا يوم المكايد رجيحة بدو حفايا مانصفتنا المقاسيم وبصدورنا عز تطارخ فحيحة نرعى رفيق البرق في ساقة الغيم ومن يستبيح حدودنا مانبيحة ولاياترع في هرجتة دفش وبهيم خطو الهبود اللي تكابر فطيحة عن ساقط الهرجة نطق الملاطيم ومن طاح فيها مارحمنا مطيحة نكبر عن الطفسة ونجزع من الضيم ونموت ما ناطا شليل الفضيحة نزوم زومات الرجال المحاشيم ونهد هدات النمور الجريحة ربع على در المنايا مفاطيم من هازنا زاغت عجوزة تصيحة اليا تغشلينا عسير الشغاميم لومك على اللي مايبرهن مديحة وان لولشن محشمات الملاثيم والموت حثرب بالحناجر ضبيحة جينا من اقصانا سحايب مراديم كل يذكي حروتة عن نطيحة يازين دح قفوشنا لة ترانيم والعج واقف والفعايل صريحة كان المنايا سوقها مابعد سيم والخوف برك بالقلوب الكسيحة حنا زباينها على الملازيم علما يقرية النصيح لنصيحة واللي بنى بيتة نبية ابراهيم انا طريق المستميت لضريحة بني رشيد ان عتم الجو الجو تعتيم ماللردى فينا ملامح وليحة أجسر من الرعاد واكرم من الديم سمر الجباة اهل الوجية الفليحة خوينا نقرية عزة وتحشيم دخيلنا دونة عن الموت صيحة يابنت ماحنا فقارا معاديم لوماسكنّا القصور الفسيحة تجار لوحاشت يدينا ملاليم ومن الغناة قلوبنا مستريحة مانستضيق ليالفونا معازيم لضيف لونذبح حدينا ذبيحة دايم ايدينا للعطايا مواليم لي خانت الفزعة وجية كليحة طال القريض ومقبل الود ومقيم والبال عيا طارقة لايريحة اقولها وابصم على القول تبصيم والعلم بين زايفة من صحيحة ماهو قصور بالحرار الصماصيم كل بدرب العز قد هب ريحة مدحي لربعي مايذم الاكاريم ولايستشك الا خبيث الشريحة والحق واضح لرجال المفاهيم والحقد يخرث بنفوس القبيحة وسلامتكم وتقبلوووووا مني كل االشكر والاحتراااام اخووكم // ناااصــر القـــلاادي
|
|
|
رد : بعض قصائد الزعيم مساعد الرشيدي
ناصر القلااااااااااااااادي
لله درك ابـــــــــــــداااااااااع بالقمة وصح لسان الشاعر مساعد الرشيدي ... وبيض الله وجهك على جمع هذه القصائد الجزلة يعطيك الف عافية وعسى الله يوفقك
|
|
|
رد : بعض قصائد الزعيم مساعد الرشيدي
ويش أسوي لا طريق و لا خوي لا قرار و لا خيار و لا مصير الليالي تلوي ذراعي لوي و الرفيق السيف يغريه الجفير و الضياع بسكتي يدوي دوي يتصفق لا سراب و لا غدير أطوي الظلما و عيت تنطوي و اشتهيت الشوف بعيون الضرير مثل طير طاح بيدين بدوي يلعن الطيحة و لا يقوى المطير كل يوم اقول باكر بتسوي و خاب ظني بالزمان و بالنصير كنت انا لهم الصدر الحنون المحتوي و كنت لإحساسهم سلك الحرير و اليوم انا هاك النحيل المنطوي تلهث أنفاسي ورى حلم كبير صاعت الحيلات حيل الله قوي لأني الأول و لا ظن الأخير قلت اباصبر و ىخر علاجي كوي وصلت للحلقوم و الخاطر كسير من شرب من كف غيره ما روي لعنبو كف على المدة قصير لا تعاتب ويش اسوي يا خوي لا قرار و لا خيار و لا مصير
|
|
|
رد : بعض قصائد الزعيم مساعد الرشيدي
شكرا والف شكر على القصائد الرائعه
|
|
|
رد : بعض قصائد الزعيم مساعد الرشيدي
تسلم يالقلادي على نقل قصائد زعيم الشعر وسيفه
مساعد الرشيدي بيض الله وجهك
|
|
|
رد : بعض قصائد الزعيم مساعد الرشيدي
لاهنت وبيض الله وجهك اخوي ناصر القلادي
على نقلك لقصائد زعيم عبس ابو فيصل قصائد الجميع يتشرف بحفظها لم تملك من قوه وجزله في المعني لله درك من زعيم دمتم كما تحبون
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| خاص .. مساعد الرشيدي ( الزعيم ) | عادل العويمري | قسم الشاعر (مساعد الرشيدي) | 19 | 18-11-2009 10:59 PM |
| أمسية الزعيم مساعد الرشيدي | شامان | قسم الشاعر (مساعد الرشيدي) | 12 | 21-09-2009 05:54 AM |
| هام :شكر من الزعيم Oo.مساعد الرشيدي Oo. | عبدالله ربيع | قسم الشاعر (مساعد الرشيدي) | 21 | 06-03-2009 04:45 AM |
| من أجمل قصائد الزعيم مساعد ربيع !!! | سعد بن عادي | قسم الشاعر (مساعد الرشيدي) | 11 | 14-01-2009 03:42 AM |
| جميع قصائد اللقاء الرائع للشاعر مساعد الرشيدي (الزعيم ) على روتانا | محمد العبسي | قسم الشاعر (مساعد الرشيدي) | 19 | 11-12-2007 02:59 PM |
الساعة الآن +4: 05:55 PM.
جميع الحقوق محفوظة شبكة بني عبس
