[جمعان خلف]

الكلمه اللي بصدري ودي اقولها = مشاعرٍ صادقه محبوسةٍ من زمان
كلمه سجينه بصدري دايرٍ حولها = صابر عليها واخاف تصير زلة لسان
أخاف لامن نثرت الشعر بحقولها = يطغى عليها مع التعبير صدق البيان
مشاعر الروح تفهم عكس مدلولها = ويضيع من ناظم المرجان عقد الجمان
وترخص مثل مارخص بأمواجها لولها = وتصير قصه طويله بين كانت وكان
وتحسب عليه وهاجوسي ماهو حولها = بعض الاوادم يغيّر ياللـه المستعان
لولا القوافي بفكري تسرج خيولها = واقطع ضما الغيض معها من مكان المكان
أسرح بذكرى تعدت ما اختفا زولها = وأقول ياصاحبي هونك عليك الأمان
من واقع الحال حالي جاك مرسولها = استقبله كان في قلبك مكان وحنان
الحاصل أنك كسبت وهاك محصولها = مانيب طالب على صادق شعورك ضمان
المهرة اللي براسي هل مجدولها = اليا ارهمت تسمع براسي صهيل الحصان
ترجمتها والقوافي شالت حمولها = مشاعري قدمت لك خلطة الزعفران
أبا اقصر السالفه وابحث عن حلولها = يمكن بتاخيرها خيره وأنا اصبح معان
بعض السوالف تمل الناس من طولها = من كثر ترديدها في صدقها يستهان

الموضوع الأصلي: خلطة الزعفـــــــــــــــران | | الكاتب: جمعان خلف | | المصدر: شبكة بني عبس

[صاحب المعالي]

الحاصل أنك كسبـت وهـاك محصولهـا
مانيب طالب على صادق شعورك ضمان
المهرة اللـي براسـي هـل مجدولهـا
اليا ارهمت تسمع براسي صهيل الحصان
ترجمتهـا والقوافـي شالـت حمولهـا
مشاعري قدمت لـك خلطـة الزعفـران
أبا اقصر السالفه وابحث عـن حلولهـا
يمكن بتاخيرها خيره وأنا اصبـح معـان
بعض السوالف تمل الناس مـن طولهـا
من كثر ترديدها فـي صدقهـا يستهـان

الله الله

صــــــــــــــح اللسانك

[جمعان خلف]

عالي ياصاحب المعالي

شكرا لك على كرم المتابعــــــــــــــة

أجمل التحايا

[عبدالعزيز الخياري]

الله الله

صح لسانك يابو خليفه وانا ماستغرب مثل هذه الدره من شاعر كبير

بمستوى شاعرنا جمعان خلف الشاعر الذي تعلمنا منه الشئ الكثير

ولكن ما أقول إلا صح لسانك و بيض الله وجهك والله يطول في عمرك

تقبل ودي وتقديري

[أنكسارحلم]

لولا القوافي بفكـري تسـرج خيولهـا==واقطع ضما الغيض معها من مكان المكان

صح السانك يابو خليفه
على هذه الدره الجميله

تحياتي

[أبوفهيد977]

صح الله لسانك اخوي جمعان خلف الرشيدي
ويعطيك الف عافيـــــه أبو خليفه
كلمات من ذهب بدون مجامله يا بو خليفه
وتقبل مروري
مع تحيات
اخوكــ ابو فهيد977

[سعد بن عادي]

ترجمتهـا والقوافـي شالـت حمولهـا
مشاعري قدمت لـك خلطـة الزعفـران
أبا اقصر السالفه وابحث عـن حلولهـا
يمكن بتاخيرها خيره وأنا اصبـح معـان
بعض السوالف تمل الناس مـن طولهـا
من كثر ترديدها فـي صدقهـا يستهـان

بيض الله وجهك الشاعر جمعان خلف

قصيدة رائع وجميله

صح لسانك

وجديدك يهمناا


دمتم كما تحبون

[جمعان خلف]

الاخ العزيز عبدالعزيز الخياري
شكرا لك على كرم المتابعــــــة ويسعدني مرورك على هذه القصيده
وأتمنى لك التوفيق , تقبل خالص التحية