[إحساس الغلا]

أنا عندي زميله بالعمل متشاركه وياها بما يسمى القطيه أو الجمعيه وكانت لي شهر 3 وجتني تتعذر بأنها ماعندها فلوس الجمعيه وقالت لي عطيني مهله وأدبرها لج قلت مو مشكله وطاف الشهر وأنا اتصل فيها لا ترد و باخير اتصل على أهلها وبلغتهم لحاجتي الفلوس وجأبوها لي الفلوس وتفاجات أمس بأني أسلم عليها تصد وسمعت منها كلام جارح وقالت للزميلاتي إني قلت أنها حراميه وحشالله ماطلع هالكلام مني ورحت أسلم على زميلاتي اشوفهم يصدون ومتغيرين تكفون قولو لي أنا ظلمتها أو لا وهل لي الحق بأني إزعل من اللي سمعته من تشويه سمعتي أو لا وبأنتظار ردكم

الموضوع الأصلي: تكفون قولو لي أنا ظالمه أو مظلومه | | الكاتب: إحساس الغلا | | المصدر: شبكة بني عبس

[إخلاص]

أهلاً عزيزتي :
بما قرأته أنا و عرفته من كلامك أنك على حق
لم تطلبي إلا حقك ...,
و هي مو ضروري تكون كذبت عليك يمكن يكون طرف ثالث
في المشكله ...,
هي غلطانه لأنها تنقل الحكي إللي صار بينكم للغير
عاتبيها على إللي قالته ...
و حسبك ربك على إللي يشوه سمعتك ...,
أستهدي بالله و هدي أعصابك و أبتسمي :)

وينقل لـ القسم النسائي المكان المناسب حتى يكون الرد من الزميلات فقط أفضل ...,

[سيوف بني عبس]

هلا فيج
والله ماقدر اقولج انت ظالمه او مظلومه
بس لونج نطرتي عليها شوي مو احسن
بس جذب وكلام اللي ماله معنى ماله حق هذا كلام
يدل على انهم كل اللي وياج مو زميلاتج لوصج زميلاتج ويحبكم
جان اصلحو الموضوع ولا وقفو معاها ضدج المفروض يكونون
مع الحق هذا من حقج انج تطالبين بفلوسج
هذا وجهت نظري في الموضوع ولا تزعلين مني :)

[إحساس الغلا]

مشكورة على الرد يالغاليه

[إحساس الغلا]

مشكورة على ردج بس أنا صبرت أكثرت عليها وقدرت بس أهي الله يسامحها و انتي تعرفين القطيه التزام وأقسم بالله لو إن القطيه لها و أطوفها ماتخليني أهي ماأرحمت زميله معانا كان عندها عزا وجتها تطالبها بالقطيه واحرجتها جدام المعزيات ها قول لي وش رايج باللي سوته !؟

[إحساس الغلا]

وأنا يااختي سيوف العزيزة ماامدح لج نفسي الله اللي يعلم بأسلوبي وطريقة تعاملي مع زميلاتي والناس بس ماأقول إلا حسبي الله ونعم الوكيل وربي يأخذ لي حقي لأني ما ظلمتها ولا خديت منها حلالها

[سيوف بني عبس]

وأنا يااختي سيوف العزيزة ماامدح لج نفسي الله اللي يعلم بأسلوبي وطريقة تعاملي مع زميلاتي والناس بس ماأقول إلا حسبي الله ونعم الوكيل وربي يأخذ لي حقي لأني ما ظلمتها ولا خديت منها حلالها

حبيبتي لاتضيقين نفسج على شيء مايسوي خليها الله حسيبها ولا تسوين مع اي وحدة جمعيه بدون معرفة قديمه لان مو كل وحده مثلج راح تلتزم وتخاف الله حسبي الله ونعم الوكيل عليها

[إحساس الغلا]

مشكورة يالغلا والله ماصاق صدري منها بس اللي قهرني كذبها علي وابتلاها علي وفوق هذا صدود زميلاتي وتجريحهن وصرت أنا الغلطانه وسون حزب وياها ربي يزلزل حزبهن. والله الكل بالمدرسه صارو ينفرون مني حسبي الله ونعم الوكيل حسبي الله ونعم الوكيل وأنا لي معاهم 4 سنوات مإ شافو مني إلا كل الخير والمحبه