[سحايب]

	سمعت لي كلمة مدري وش اقصاها حزت بنفسي وأنا مانيب هارجها لوكل كلمة إل ىجتنا طردناها بعنا الثمينة بسعر مايخارجها لو مرت السمع ماكنا سمعناها ونقفل الراس عنها لا يبرمجها ومن يم هذا لهذا مانقلناها والناس واجد وتلقى من يروجها من جابها بين خلق الله وداها لو به مراجل ترى نفسه يسمجها ومن عامل الناس في سابق خطاياها يقعد بدار خلا ماداج دايجها في كنة تشوي الجربوع رمضاها وتابس غصون الشجر من حر واهجها والناس بالحق حكم الشيخ ما أرضاها ماتقنع الناس لو انك تحججها ياللي تبا الطيبة خذها وعطناها وخل الطريفة طرية لا تثلجها وأقضب طريق الأوادم وامش ممشاها أتبع دروب العرب وأدرج مدارجها وأرسم لنفسك حدود ولا تعداها من حط نفسه بدرب الضيق يحرجها وان كان نفسك هواها قام ينحاها حط الأعنة بروس الخيل وأسرجها وفكر بمنكافها قدام مغزاها واضرب حساباتها وتشوف ناتجها وكل بعضده يموح الدلو برشاها وتلقى كبود الضوامي من يبرهجها وان كان توك على صدرك تهجاها حنا ترانا ندرس في مناهجها من يم مصباحها نبعد معشاها إلى قعد راعي الضلع يدرجها لو هي صعيبة إلى انعاجت عدلناها واللي تجي مستقيمة ما نعروجها نهتم في وزنها وابرام معناها ومن الكرستال واللولو نتوجها مثل الجواهر ليا منا نضمناها وسلوكها من جديد الزري ننسجها مخايل تردتدم والصدر منشاها لا دك بالبال داكوك يهيجها وليا أمطرت ضاقت الوديان في ماها تاخذ إلى الحول ما يبست مدالجها وان صدت الناس عنا ما أعترضناها ما تقفي الناس عنا ونتولجها وإن جاتنا الطيبة بالطيب زدناها الطيبة بالعسل والسمن نمزجها وان جاتنا الثانية نصبر ونرفاها يمكن إل ى فاق راعيها يعالجها وان عادها عودة ماعاد ينساها من حربة في صميم الصدر نولجها مسمومة يبلش الدكتور بدواها مايقنع الخبل لين أنه يلامجها عبدالله بن زويبن ..</b>

الموضوع الأصلي: الطيبة بالعسل والسمن نمزجها | | الكاتب: سحايب | | المصدر: شبكة بني عبس

[مساعد الشويلع]

ابيات جميله اختي دمعه
يعافيك على النقل

[فضي البراك]

القصيده هذي لـ عبدالله باتل الرشيدي

[سحايب]

اقتباس من مشاركة مساعد الشويلع ابيات جميله اختي دمعه يعافيك على النقل

مشكورعلى مرورك الاجمل تواجدك بمتصفحي لاهنت

[سحايب]

اقتباس من مشاركة فضي البراك القصيده هذي لـ عبدالله باتل الرشيدي

والله موعارفه زي مالقيتها نقلتها >>خاش بعجرا ياكاف البلا هههههههههههه
يعطيك العافيه على توضيحك