[هذيان]

يسج البال عن ضوضاء البشر ويعانـق محيـاك
وأجيك اسرق ثواني من زماني.. وانت تجذبنـي
سبقت العمر اسامر طيفك المغـري بـدون ادراك
تجاوزت المـدى.. والكـون لعناقـك يصاحبنـي
وصلتك.. والتعب ظهره ورى ظهري بعد لقيـاك
وصلتك والمساء.. قـدم نجومـه لأجـل تكتبنـي
وصلتك.. ياهلابي.. ياهلابك.. مـد لـي يمنـاك
هلابك.. ياهلابي.. كيـف..؟ تـدري لاتعاتبنـي
ترى مدري وش اكتب والشعر نايم علـى يـداك
أمانه مدهـا لـي قبـل حـزن الارض يكسبنـي
انا ما اشوف احد غيرك.. ولا غيرك هنا وهنـاك
انا ما صرت احس اني احد .. جيت الك واعربني
انا جمر الدخون.. اللي خجل عوده.. وفاح الراك
انا صمت الظلام.. اللي ظلامه ضـاق وارهبنـي
انا حزن المسافر ينتشلني.. والطريـق اشـواك
انا بحر الحـزن.. كنـه علـى عمقـه يجربنـي
أحبك.. وألمس احساس الغلا اللي ما انتشى لولاك
أحبك.. والوفاء.. كاسه حواني لأجـل تشربنـي
انا فوق الخيال اصبحت احبك.. والرضاء لرضاك
انا فـوق المحبـة صـرت احبـك.. لا تعذبنـي
تراي انسان وانت انسان.. تقراني مثل ما اقراك
سطوري كلها معنى.. قربـت شـوي.. قربنـي
وحش.. جيت بسماي وشاقني طلعك قبل مجنـاك
فتحت لك الضلوع وقلت مدهالـك.. هنـا مبنـي
تدهلت بوكر قلبي.. وقمت تضيـق مـن مربـاك
يا خوفي.. من صباح" في سناء هجـرك تدربنـي
على قولك.. فعل يمناك.. واتحمل نتـاج اخطـاك
على قولك.. قبل لا يسيل دمعـك.. لا تحاسبنـي
حبيبي.. وانت تدهيل الخفوق.. اليوم حان ادعاك
أبي.. صيدة لقاء".. فيهـا عيونـي مـا تكذبنـي
حبيبي.. لد عينك للغريـب.. و وقفـة الشبـاك
حبيبي.. لد عينك للوصال.. و حـد مـن غبنـي
حبيبي.. بأختصار .. انهي حياتي ما احتمل فرقاك
تعال وضمني.. مـادام طـال الصبـر وارعبنـي
صراحه.. ما اعتقد تبخل علي ان قلت ابي لقياك
صراحه.. ما اعتقد ترضى الصبر.. صمته يعذبني
تعال.. وغن لي .. كل الحياه تهون لأجل ارضاك
ترى شوفك دواي.. وصوتك اول صوت يعجبنـي

،
‏ ‏،
من ما أعجبني ، "

الموضوع الأصلي: يسج البال عن ضوضاء البشر ويعانـق محيـاك ..!! | | الكاتب: هذيان | | المصدر: شبكة بني عبس

[أحاسيس]

قصيده رائعه يسلموا اخوي هذيان

[عطر الاوركيد]

ابيات قمة الذوووق

صح لسسان شاعرها وتسسلم

يمينك لروعة نقلك

,’