[سلطان]

كما عودناكم على كل جديد اليوم انقل لكم هذي القصيده الرائعه للشاعر ابو فوزان




الضحك دمعه

الضحك دمعة والحكي وجه منديـــــل = والليل غدرى والمسافه طــــــواري
تحيطبي دوامة الحزن بالليــــــــــــــل = لا الليل ليل ولا نهاري نهـــــــــــاري
ياجرحي انزف مابقى ضي قـــــنديــل = الدرب شوك وحافي الرجل ســـاري
كم قلت باكر شفت البن والهــــــــــيل = وللكفوف بكره راس رمح وشـباري
ياغربتي في موطني لوعة الجيـــــــل = مدري طعون اسياد والا جــــــواري
للقلوب ذابت والبراء اهلهن خــــــيل = ورياض خضراء تحتضنها خبــــاري
اطفال تبني بيوت من طينة الســــــيل = وبيوت شعر ونجر جلسة عصــــاري
تاهت دروبي والعزاء عزت انخـــــيل = ماتت ولكن مانحنت بانكســـــــــاري
حلمي غداء باحضان رحمة هل الفيل = ترقص على وتر الرموش العبــاري
يامزهبي باقي قصيد ومواويــــــــــــل = وش عذر ليلا ماستحى من نهــاري

الشاعر \\\\\\ ابو فوزان حامد زيــــــــــدان





وتقبلو تحيات اخوكم ******** السلـــــــــــــــطان

الموضوع الأصلي: الحكي وجه منديل (حامد زيدان) | | الكاتب: سلطان | | المصدر: شبكة بني عبس

[سعد بن عادي]

ابدع ابدع يسطره شاعر الابداع حامد زيد

صح لسانك والله ياسلطان وصح لسان شاعرها حامد

وجديدك وابدعك يهمنا فلا تحرمنا

دمتم كما تحبون

[شاعر الجن]

صح لسانه

[سلطان]

.




كل الشكر لك اخوي سعد بن عادي



واخوي شاعر الجن على مروركم



اخوكم السلطان يتمنى لكم اطيب الاوقات

[البنفسجي]

مشكور اخوي سلطان ويليت تكثر لنا من قصائد الشاعر حامد زيدان بصراحه شاعر لاغبار ولكن ظلم نفسه وظلمنا نحن المتذوقين لشعره ......................... فلاتبخل علينا اخوي سلطان شاكر ومقدر لك ماتقله لنا من الدرر


دمت بحب

البنفسجي

[مساعد عواض]

يامزهبـي باقـي قصيـد ومـواويـل
وش عذر ليـلا ماستحـى مـن نهـاري

لاخ سلطان صح احساسك وصح اللسان
الشاعر حامد زيدان
والف شكر على النقل المميز
لهذا القصيده الذي تحمل بصمة شاعرها
وتقبل اجمل وزكا التحايا

[سلطان]

كل الشكر




للبنفسج



والشاعر المبدع /// مساعد عواض






السلطان يحييكم

[سلطان]

شكرا على مرورك اخوي رااااااااااشد