[الضرغام]

خذا اللي تطلبه..مادمت اخوي العازم الجازم =لكن ان شفت دمعي..شف لنا شي يسلينا

فتى أحلام..هنا..كان يتغزل في فتاة أحلام =خطفها بين حور البحر واغلاها من المينا

وجاب لها بساط الريح..قالت للغلا قدام =ولا نحتاج يامخلوق مخلوق يوصينا

أنا ذاك الفتى الصب وهي أجزل واكرم الاكرام =من اللي مد عمره صدق ف اولنا وتالينا؟

دقيقة من دقايق ها المكان تساوي مية عام =هنا..ساعاتنا ما كانت تلحق ثوانينا


هنا ياما تعاهدنا..هنا ياما غدينا اخصام =هنا ياما تعاتبنا..هنا ياما تراضينا

هنا كنا نصيح وتحتوي صيحاتنا الانسام =لطيفة كنها لامن تجادلنا تهدينا

هنا كان الحمام يطير لكن لاوصلنا حام =يحسب أنا من السرب وهو اللي كان ناسينا

هنا طلنا حضن نجد وهواء الطايف وتمر الشام =وجوز الهند واعذب دجله وسكر قصب سينا

ماأرقه من مكان..الله يوم انا نجيه هيام =عطاشى جايعين وكان يطعمنا ويسقينا

نجيه بلا هدايا والخفايا حسبة الأيتام =ونعود بلا خفايا والهدايا في مخابينا

ولو ينطق..تفجر به نهر كله ذهب وانغام =وزم الفل والريحان والنرجس حوالينا

نحبه كثر ما طشنا وقسمنا فضاه اقسام =لا ماسينا واسامينا وامانينا واغانينا

كثر ماضمنا وايامنا ماهي من الأيام =ودنيانا شبر في شبر تضحك بين ايادينا

على وضح النقا....وضح النقا اللي دام =وكن الكون باللي فيه ما والله يعنينا

توادعنا وودعنا المكان وحارت الأقدام =ولا ملت شفاه افواهنا ترديد اسامينا

ايلين الدمع طاح وطاح معه الشال والبسام =ياليتك تدري بذيك الدقايق وش حصل فينا

ورى دمعتك سالت..وانت اخوي العازم الجزام =أنا ماقلت لك دور لنا شي يسلينا؟

راقت لــي

الموضوع الأصلي: المكان | | الكاتب: الضرغام | | المصدر: شبكة بني عبس

[النمر1012]

صح اللسان شاعرها وتسلم على النقل وعلى اختيار اكثر من رائع
وفصيده رائعه رائعه واختار منها

هنا كنا نصيـح وتحتـوي صيحاتنـا الانسـام

لطيفـة كنـهـا لامــن تجادلـنـا تهديـنـا

هنا كان الحمام يطيـر لكـن لاوصلنـا حـام

يحسب أنا من السرب وهو اللي كـان ناسينـا

هنا طلنا حضن نجد وهواء الطايف وتمر الشام

وجوز الهند واعذب دجله وسكر قصب سينـا

ماأرقه من مكان..الله يـوم انـا نجيـه هيـام

عطاشـى جايعيـن وكـان يطعمنـا ويسقينـا

نجيـه بـلا هدايـا والخفايـا حسبـة الأيتـام

ونعـود بـلا خفايـا والهدايـا فـي مخابينـا

ولو ينطق..تفجر به نهر كلـه ذهـب وانغـام

وزم الفـل والريحـان والنرجـس حواليـنـا

نحبه كثر مـا طشنـا وقسمنـا فضـاه اقسـام

لا ماسينـا واساميـنـا وامانيـنـا واغانيـنـا

كثـر ماضمنـا وايامنـا ماهـي مـن الأيـام

ودنيانا شبر في شبـر تضحـك بيـن ايادينـا

على وضـح النقا....وضـح النقـا اللـي دام

وكـن الكـون باللـي فيـه مـا والله يعنينـا

توادعنـا وودعنـا المكـان وحـارت الأقـدام

ولا ملـت شفـاه افواهنـا ترديـد اساميـنـا

ايلين الدمع طاح وطاح معـه الشـال والبسـام

ياليتك تدري بذيك الدقايـق وش حصـل فينـا

ورى دمعتك سالت..وانت اخوي العازم الجزام

أنـا ماقلـت لـك دور لنـا شـي يسليـنـا؟

[مجرد انسان]

مشكوووووور والله يعطيك الف عافيه