[مداروفلك]

هات الكفــن ماعاد في العيش مرغوب=
دام الــــوطن يُطمــع بذره غباره=
اقسم قسم مانـــي من الموت مرعوب=
والمــو ت في غــيرالمعارك خساره=
يوم الشــرف لاصــار بالدم مكتوب=
جــندي شهـيد ولارضــي في دياره=
ابشــر يابـــو متعب مع قلبك اقلوب=
تعشـــق لذيــد الموت في قدح ناره=
حنالـهـا والــوقت طـيب ومكروب=
وعهدا على خصمـــك يغيـر مساره=
يسيل دمـــي ولاتبـات انت مغضوب=
من شــــرذمه بانـت عليها الحقاره=
الحق يعلى وأنـت بالحـــق منصوب=
ويخسى الذليل الي مســــوي شطاره=
أبشر بجيش (ن) لأصبح الوقت محسوب=
يبغت جيـوش الخصـم في عـقر داره=
يقولون شـيعـي فاقد الرشد معطوب=
يرضي بعيــــد الناس ويخون داره=

الموضوع الأصلي: ابشــر يابـــو متعب مع قلبك اقلوب | | الكاتب: مداروفلك | | المصدر: شبكة بني عبس

[سحايب]

صح الســان شاعرها
وسلمت يمناك على الطرح

[مداروفلك]

اشكرك على المرور

[كاتب الرشيدي]

شكراً لك على النقل

والقصيدة معشوشبه يابو ساره مايحتاج تعديل