[مذكر الرشيدي]

ياقلب لاتنهي حياتك بفرقاه

ماهو كفو ينهي حياتك وينهيك

دامه نسى وش كان حبك ومعناه

ماهو لزوم تكون وافي ويعنيك

ادري تهزك لاطرت بس طرياه

لكن ترى ياقلب ماعاد يطريك

حتى ولو تسمع كلامه من شفاه

ما أظن من منطق كلامه بيشفيك

أعلن رحيلك وتركه ليه تتلاه

وانت آلذي حبيت ماجاك يتليك

واعفيك ياقلب آلعناء قوم واجفاه

هو من بدأ بآلظلم بادي بيجفيك

من صد لو هو كامل الزين عفناه

وكلمة كرامه حر ياقلب تعفيك

وحده بوحده ظلمها كان ترضاه

طبق كلامي وأظلم وقول يرضيك

دام الجزاء نكران بالعين شفناه

وش فيك ياقلبي تمناه وش فيك

مني ومنك صادق الحب سقناه

ومنه الجزى للحب حرمان يسقيك

تزرع وغيرك يملك الحق بجناه

ولاهو بحقه وانته الموت يجنيك

يمكن ابا كذب لو بأقول تنساه

حاول وعالم في خفاياك ينسيك

حسبي على من صد والقلب يبلاه

حسبي عليك ويا عسى الله يبليك

يبليك في شخصٍ تحبه وتهواه

ويعاهدك بعدين حرمان يسقيك

ياقلب بشرني تخطيت فرقاه

وقم ياصدوق وشلون غدار ينهيك

وقولي يا ( ... ) من نسى آلحب عفناه

قولي حروف آلحب ماعاد تعنيك



منقول

الموضوع الأصلي: من صد لو هو كامل الزين عفنااااه | | الكاتب: مذكر الرشيدي | | المصدر: شبكة بني عبس

[صقـــر الشرقيه]

ياسلام روعه حيييييل
بس احيان القلب مايطاوع ^_^

بيض الله وجهكـ

[مذكر الرشيدي]

شكر على المرور

[لسعهـ شقآوة]

مشكككككككور لاهنت
تقبل مــــــــــــــروري

[رسام الغروب]

صح السانك

ادري تهزك لاطرت بس طرياه

لكن ترى ياقلب ماعاد يطريك

حتى ولو تسمع كلامه من شفاه

ما أظن من منطق كلامه بيشفيك

يعطيك العافيه لاهنت

[احمد منيف]

صح الله لسان قايلها والقصيدة من البدايه للنهايه عجبتني تسلم اخوي ع النـــقل

[مرزوق العجوني]

صح لسان شاعرها ولا هنت على النقل الرائع

[لايطول غيابك]

صــــح لســــآن شآعرهآ
و
سلــــمت يمنــآك ع الآختيــــــآر الرائع ..