[بدر الحشية]

قصيدة رائعة للشاعر عبدالله بن باتل
وقد طلبها مني احد الاخوان وبالتحديد الاخ عبد العزيز الخياري
واعتذر منه عن التاخير

من غير ليه وغير قصة وتحديد=غاب القمر وأبطى علي بمغيبه
والنفس من ذكراه فيها تناهيد=تمسي من أسبابه وتصبح كئيبه
ودونه وعوره بالدروب وحواسيد=صعب وصعب صعب صعب صعيبه
مثل السراب اللي تطارد مع البيد=كيف اللتقيبه كيف كيف اللتقيبه
وعليه ليلي كل ليله سراميد=عيت عيوني نومها تهتنيبه
وعيا عنه قلب الغرابيل ليكيد=حاولت اسيبه مير عيا يسيبه
تنكيد بعض احيان واحيان تعقيد=مدري نصيب في ولا نصيبه
وعني بعيد بعيد وبعيد وبعيد=حتى حلوم الليل عيت تجيبه
واحد وحيد ولا معه خلق توحيد=عدو عينك بالهوا تبتليبه
مجرد عن كل عذروب تجريد=فيه الوصايف والمحاسن عجيبه
لاتقول وصف كثرة الهرج ماتفيد=رهيب كان الناس فيها رهيبه
الرمش والطخمه والأوجان والجيد=والصدر والأرداف واشياء غريبه
مامثلهن شافت عيوني مع الغيد=ودون الشفايف مثل جمر اللهيبه
وفي عينه اليمنى رجال وبواريد=وفي عينه اليسرى مدافع كتيبه
وحبه يزيد يزيد ويزيد ويزيد=بالدم مثل السم يسري دبيبه
وسهمه يصيد يصيد ويصيد ويصيد=سهمه عطيب ولا يداوى صويبه

وسلامتكم ,,,,,,,,

الموضوع الأصلي: من غير ليه وغير قصة وتحديد | | الكاتب: بدر الحشية | | المصدر: شبكة بني عبس

[صادق الوعد]

مشكووووررر بدر الحشية على النقل الرائع قصيده في قمة الروعه

وصح السانك ولسان الشاعر عبدالله باتل ( البحر الميت)

ويستاهل القصيده ابو دحيم

لك ودي واحترامي

[بدر الحشية]

اقتباس من مشاركة صادق الوعد مشكووووررر بدر الحشية على النقل الرائع قصيده في قمة الروعه وصح السانك ولسان الشاعر عبدالله باتل ( البحر الميت) ويستاهل القصيده ابو دحيم لك ودي واحترامي

مشكور على المرور الرائع والجميل
تحياتي

[ابوصالح]

مشكووووررر بدر الحشية على النقل الرائع قصيده

والي لامام


شكراً لك اخي الكريم

[بدر الحشية]

اقتباس من مشاركة ابوصالح مشكووووررر بدر الحشية على النقل الرائع قصيده والي لامام شكراً لك اخي الكريم

اسعدني مرورك الرائع واشادتك
تحياتي لك