[رشيد]

.
.
.

اليا جهلت انشد ترى مابها عيب
لا تنخدع للجهل وأنت السبايب
عيب الفتى مافيه شك ولاريب
ترك الفروض وقطع وصل القرايب
والعيب ترك ملازمات المواجيب
وتبع الردى ومجالسة كل خايب
فالتجربة برهان ما فيه تكذيب
واليا جهلت انشد من القوم شايب
ويقول الشاعر سعود القت:
الهم ضيفٍ والحشا له معازيب
ضيفٍ كليف معزبه ما يوني
واصعب خطا لا صار بين الاقاريب
منه أجسر قلوب النشامى تحني
مصيبةٍ فوق الدوا والتطابيب
عنها حلول اهل العدل يقصرني
والصبر مفتاح القفول المضابيب
ولحدٍ قضى كل السنين متهني


............

رشيد بن زيد بن مسيند الزلامي العتيبي
شاعر سعودي



.

الموضوع الأصلي: يقول #الشاعر #رشيد_الزلامي رحمه الله | | الكاتب: رشيد | | المصدر: شبكة بني عبس

[كبرياء امراة]

سلمت الايادي

[رشيد]

شكرا كبريااااااااء
شكرا جزيلا

[رشيد]

البخل والجود

البخل طبعٍ مستحيلٍ علاجه
والجود طب لكل الأمراض وعلاج

جيت الرفيق اللي بشوش حجاجه
اللي بحزات الرخا مثل هداج

قال العلوم وقلت طلاب حاجة
حاجة يسر ما هي تكاليف واحراج

ان كلفت يكفي العذر والمواجه
وان كان جت من يسر صاحبك محتاج

واومى براسه مثل راس الدجاجة
وهز المتون وراح وجهه كما الصاج

واقفيت من عنده مطفي سراجه
ولي حاجة ما عطيتها كل هراج

عرض العلوم لغير اهلها سماجة
والصاحب الطيب له الدرب ينعاج

وكم ضيقة ياتي بعدها انفراجة
يا ليت كل اصحابنا مثل سهاج

الصاحب اللي ما يعكر مزاجه
ولا حط له كثر المعاذير منهاج

ولاّ الردي صيده يضيع بعجاجه
ما تسبقه في سرعة الروغ ميراج

-

#الشاعر #رشيد_الزلامي رحمه الله


.