[فرحان]

بسم الله و السلام عليكم

اقدم لكم محاورة الشاعرين عبدالله العير & عاضه البقمي



عبدالله العير(رحمه الله)

نويت اتقاضا منك دونك يابن مرزوق
ومن لاقتضا جعل الغناديـر يبكنّـه
الا يالعبادل وقفوا والعمر ملحـوق
ومن مات منكم جعل ماؤاه للجنّـه





عاضه البقمي






اقابلك يابن عبيد والحظ عالي فوق
وانا شايف ابن عبيد كَنه ولا كِنّه
والا ياعبادل وقفوا للرجال حقوق
وانا محتـزم والشكـر لله والمنّـه





عبدالله العير (رحمه الله)






أبا شيب ارموشك وابا شيـب الطـاروق
وابا احمسك وسط الملعبـه حمسـت البنّـه
وبعدين تسري وانت جسم (ن) بدون عروق
ولو قالو االعرّيـف عاضـه خـرب فنّـه





عاضه البقمي






تبا مار ماتقـدر وللشعـر فـن وذوق
بعد مانسيت الفـرض ماتنفـع السنّـه
انا خابرك داب (ن)أوسيود وسيع شدوق
ولكن عاضـه بالعصـا كاسـراَ سنّـه





عبدالله العير (رحمه الله)






أنا ويش اسوي فيك يابيض يامسلـوق
احطك في وسط البرد وتـدور الكنّـه
ياراعي الدينه ويش جابك بوسط السوق
تزاحم جيوب الفيـن ياراعـي الدنّـه





عاضه البقمي






بعد ماشربت البيـض يالرافـد المرفـوق
تمرّح بخير اشـوي غـنّ اللحـن غنّـه
أبا انشدك وش طلعك من داخل الصندوق
وعيبن عليـه اروح مـع نـاس منجنّـه





عبدالله العير (رحمه الله )






أنا لو عليكم يالبقوم أرمـي الطابـوق
تجيك البقوم مـع الدحاديـر مستنّـه
ليا أنتثرت القربه ويش تكب ويش تحوق
يقوله عميل (ن) فيك مايختلـف ظنّـه





عاضه البقمي






ترانا عرب من طبعنا مانعرف البـوق
وكانك تبا الثنتين ثـنّ الجمـل ثنّـه
وانا أعرفك عبدالله ولنت الملك فاروق
وتالي زمانك صار كرشـه وحنحنّـه





عبدالله العير(رحمه الله)





ترانا عرب مانكسي السرح بالمشقـوق
سروح الحجاز ثيـاب جـدك عليهنّـه
عقب ماغصبك بخيت واللي معه من روق
ورا مانخيـت مطيـر يابـارد الـونّـه





عاضه البقمي






ترانا عرب يامخصـي العيـر بالله روق
بعد طلـع الثنتيـن جـدك يعشنّـه
ونعم (ن) بهم ولاّ انت تندس بالزملوق
وخلك مع الستات حنّ القدم حنّـه





عبدالله العير (رحمه الله)





بعد شاخت الحرمه بكم دمكم مدفوق
حرام المره تقلط على الشيخ فالعنّـه
عسى غاليه من بدكم مايجيها العـوق
خلاخيلها يـوم الملاقـى لهـا رنّـه





عاضه البقمي






مَرَه طردتكم يم رضوان يامصفـوق
وخلتك تقرع مثل ماتقـرع الشنّـه
ترا حدكم رضوان يالسارق المسروق
ويش ادخلك للصمان يالشيخ ابو خَنّه





عبدالله العير(رحمه الله)





عسى الله يبيض وجه عذر (ن) تسوقك سوق
على دربها وجهك مثـل وجـه ابـو زنّـه

الموضوع الأصلي: الشاعر عبدالله العير رحمه الله و عاضه البقمي | | الكاتب: فرحان | | المصدر: شبكة بني عبس

[برق الوسم]

رحم الله عبدالله العير واسكنه فسيح جناته
مشكور اخوي فرحان ع هالمحاوره

[العالم الفلكي]

مشكور على نقل المحاوره الجميله

[ابو بيان]

ترانا عرب مانكسي السرح بالمشقـوق
سروح الحجاز ثيـاب جـدك عليهنّـه
عقب ماغصبك بخيت واللي معه من روق
ورا مانخيـت مطيـر يابـارد الـونّـه

رحم الله الشاعر عبدالله العير المطيري رحمه واسعه واسكنه الله فسيحه جنته انه على ذلك قدير وبيض الله وجهك اخوي فرحان على نقل المحاروه بين شعراء عمالقه بشعر المحاروه عبدالله المطيري رحمه الله عليه والشاعر عاضه البقمي وتقبل مروووري اخوك ابو بيان

[ابو براك الرياض]

رحم الله عبدالله العير واسكنه فسيح جناته
مشكور اخوي فرحان ع هالمحاوره

[فرحان]

اقتباس من مشاركة برق الوسم رحم الله عبدالله العير واسكنه فسيح جناته مشكور اخوي فرحان ع هالمحاوره

لاهنت وانتظروا المزيد من محاورات العمالقه

[صالح بنيان]

محاوره من العيار الثقيل