[مبارك السوارج]

الـسلام عليكم ورحمة الله وبركاته اقدم اليكم هذه القصيده وارجو ان تحوز على رضاكم .. ..

الرشيدي قال شعرٍ يغنيبه= يازن المعنى ويدرا عواقبـها

قند المعنى عن الشك والريبه= من هجوسٍ قام فكره يلاعبـها

من غروب الشمس للفجر تسريبه = وتعرجبه لين ياصل كواكبها

قامت الافكار عمال توميبه = بالدقيقه والثواني مصاحبها

والقصيد اللي سليمٍ من الريبه =يرفع الشـعار بأعلى مراتبهـا

ومن تجارب ظيم سلمى كثر شيبه=واسقته مر المشارب وصاحبها

عاش في يتمٍ والاقدار توميبه = نوب بالمشرق ونوبٍ بمغاربـها

ودون المعنى وزبدة تجاريبه= من شبابه لين شابت شواربها

يا رشيد اسمع كلامي وترتيبه = كلمتٍ لحل طاري فزتبها

اول وصـاتي اتجود مقاظيبه =عروت الله لا تغرك مذاهبها

والكتاب وسنة احمد وترغيبه = واركون الخمس جود مقاظبها

ومن يخاف الله ويدرى عواقيبه =فاز بالدنيا وحقق مطالبهـا

واحذر النمه وشذبت عراقيبه = وعضت الادنى وساير قرايبها

والرجل يعرف وربعه اتماريبه= والردي ما يرفعك في مراتبها

والولد لصار مالطيب يحريبه = خسرت امه وحسافة و شايبها

والصبر عند المصيبات يا طيبه = الكرم هو و الشجاعه بواجبها

وما كتب بالوح للعبد بصيبه = قدرة الله ما تظيق حواجبها

والردي لا تلتجيبه وترهيبه = الحمول الكايده ما يقومبها



الـشاعر : مبارك السوارج

الموضوع الأصلي: الرشيدي قال شعرٍ يغنيبه .. ( مبـارك الـسـوارج ) | | الكاتب: مبارك السوارج | | المصدر: شبكة بني عبس

[عبس404]

صح لسانك يا بو رشيد على النصايح الثمينه

وقصيده جزله ووافيه من شاعر وافي وجزل

[مسندالعويمري]

الشاعر مبارك السوارج

صح السانك وشكرا على هذي الدرر الثمينه
والنصايح لمن يتمعن بالنصح والموعضه

[المشعل]

صح السانك مبارك

ولاهنت على الأبيات الرائعه

تحياتي لك

[جراح مسلم]

صح السانك يا بو رشيد دايم تجيب الجزل ولا تطول ودنا نقرا جديدك

[بندر صالح]

و ما كتب بالوح للعبد بيصيبه
قدرة الله ما تضيق حواجبها

صح لسانك
قصيده رائعه
لا هنت

[حــزام]

قصيده كلها حكمه ونصايح

قصيده ذهبيه يا مبارك

صح لسانك يا شاعرنا الكبير
ولاخلا ولاعـدم

[مبارك السوارج]

الله لا يهينكم وشكرا على المرور بـارك الله فيكـم
اخوكم : مبـارك السـوارج