[محمد بن معيوف]

	اعزائي رواد منتدى عنتره السلام عليكم ورحمة الله وبركاته وبعد: يسعدني من خلال هذا المنبر الرائع أن اعرض عليكم هذه الوليدة التي تتحدث عن بعض ملامح الصحراء والخروج عن الضوضاء وروتين البلد واختناقات الشوارع المرورية .... عسى أن تحوز .. أو .. تفوز .. بجزء من رضاءكم وهو الغاية المستهدفه من قبل منطلقي الشعري

[/SIZE]ا

نـــــارهــــم بــالـعـــز حـيــه وهـيـبــتــهـــم ســـلاح

راكب اللي وان سرى من تحت جنح الظلام=يتهقوى فيه من ينوي بعيد المراح
جيب لاندكروزر مجهزٍ باحدث نظام=يطوي الاميال ويسابق فجوج الرياح
صانعه مخ ٍ تغذى على شرب المدام=لاسمع بإذنه ولامره مناد الفلاح
لادعست يفز فزة شجيع ٍ للمقام=صوت المضهود بإسمه وقفاه الصياح
كن سواقه على السيت من ريش النعام=اذكر الله كن مشيه على خف وجناح
لاستوى في طارته واشر لربط الحزام=اسحبه بالكف الأيمن وطقه بالشباح
هلل وكبر وصلى وزودها سلام=واعتذر من ربع ٍ حشام واعطوه السماح
ولد ٍ محشوم مابين خاله والعمام=لايوصى ولايحرص خبير ٍ بالمراح
كن في عينه من الشوق باطراف الزمام=داره اللي ناو ٍ يحلها حول الصباح
وعن يمينه تاج راسه ودرعه والحزام=مايوصى كان سلم له زمام السلاح
ولد ٍ مسطور محشوم عداه الملام=ناطح لصكات بقعا وكافحها كفاح
ساري ٍ والجدي يلمع ولادونه عسام=والسوالف تلمس الجد وتعود مزاح
وميله حول الفجر مع طرف برق وعدام=والقمر سته وعشرين دوب الصبح ضاح
وحوله مع خشم حره على موعد كرام=وكن نوره من ورى الحزم برق ٍ يوم لاح
باقي ٍ بينه وبين الوعد شعب وسنام=ونحره لسهيل والصبح لاتلى الليل زاح
وبالوعد ربع ٍ نواحيش ورجال ٍ حشام=ماذكر فيهم هلابيس ويدينن شحاح
نازلين بطلحة ٍ كن فيتها غمام=حال دون الشمس واعتم على الارض البراح
في طرف روض ٍ قفر ماذكر حوله ثمام=لاوطا فيه القدم ريح نوع النبت فاح
ونارهم بالعز حيه ودلتهم شمام=والمه ماها من السيل من نبع ٍ قراح
منصتين لهرجة اللي على صدره وسام=شايب ٍ جاهد وكافح وكلل بالنجاح
منصتين لهرجته ماتقاطع بالكلام=مايبيح اسرار غيره وسده مايباح
ماعليهم من سوالف رديين الذمام=والعلوم الساقطه مالهم فيها صلاح
العلوم الواطيه في مواردها حيام=والعلوم الغانمه مثل زرقات ارماح
محترينه بالوعد ما احترو خبل ٍ خمام=والشبب منهم بتيسير رب العرش طاح
وسمعو صوته مثل صوت نواح الحمام=لابق ٍ له مع طرف حزم وصخور ٍ لقاح
وقابلوهم في تحيه وشوق ٍ بالسلام=واخذو منهم علوم ٍ لها روح وملاح
وجيت منهم والعذر والتحيه والسلام=نارهم بالعز حيه وهيبتهم سلاح

الموضوع الأصلي: قصيدة للشاعر / محمد بن معيوف " نار العز ... وهيبة السلاح " | | الكاتب: محمد بن معيوف | | المصدر: شبكة بني عبس

[الولهان]

صح السانك اخوي على هذه القصيده الجزله

تقبل تحيااتي

[مسندالعويمري]

يشرفني .. ان اكون من اول .. من صافح هذه الجزله ..

هنا في هذ القسم ..

صح السانك ولاهنت .. مليوووون ولا يسدووون ..

جزله كالعاده .. ياابن معيوف

[عيد بن عبيد]

وحوله مع خشم حره علـى موعـد كـرام

وكن نوره من ورى الحزم برق ٍ يـوم لاح

باقي ٍ بينه وبيـن الوعـد شعـب وسنـام

ونحره لسهيل والصبـح لاتلـى الليـل زاح

وبالوعد ربع ٍ نواحيـش ورجـال ٍ حشـام

ماذكـر فيهـم هلابيـس ويدينـن شحـاح

نازليـن بطلحـة ٍ كـن فيتـهـا غـمـام

حال دون الشمس واعتم على الارض البراح

في طرف روض ٍ قفر ماذكر حولـه ثمـام

لاوطا فيه القدم ريـح نـوع النبـت فـاح

ونارهـم بالعـز حيـه ودلتهـم شـمـام

والمه ماها من السيل مـن نبـع ٍ قـراح


لا فظ فوك

[شاعر الثقلين]

صح لسانك

[عبدالعزيز الخياري]

قصيده جزله من شاعر جزل

عودنا على قصائد بديعه من ابداعه

ولا اقول إلا صح لسانك يابو معيوف مبدع بالنظم والمحاوره

والله يوفقك وانا واحد من جماهيرك

تقبل تحياتي

[محمد بن معيوف]

الولهان
مسند العويمري
عيد عبيد
شاعر الثقلين
عبدالعزيز الخياري


لاتزيدني إطلالتكم المشرقه والمشرفه الا فخرا ً واعتزازا ً وهي بمثابة الدافع وترقبوا المزيد من ماهو جديد

[سعد بن عادي]

بيض الله وجهك الشاعر محمد معيوف

وصح لسانك قصيده رائعه


دمتم كما تحبون