[صادق الوعد]

أحمدلناصر




ياسلام الله سلام واجهة معناه يمك

ن سكنت أرض الجزيره وان سكنت أرض الكنانه


قوم يا حربي تهرج بين أخوك وولد عمك


يوم أنادي صاحبي صياف من باب الميانه






صياف الحربي



مرحبا يا عد ياهداج لين يفيض جمك

والبنادم يعرف اللفات ويعرف الذهانه

أنت لا حصلت حربي تزهمه من خف دمك

مدري أهيه من هجوس صافيه ولا لعانه





أحمد الناصر



ويش رايك يالسحيمي نمدحك ولا نذمك

ويش رأيك توري وأنت سدك بالأمانه

يالسحيمي ودنا نكسيك ونكبر معمك

والغدالك خيزرانه والعشا لك خيزرانه



صياف الحربي



كان ودك تنشد العربان قول ولا يهمك

من يدور للعواين غصب يلقى له عيانه

وكان تبغاها مخامش خمني والصبح أخمك

فالقلص ثنتين تفاحه والاخرى برتكانه





أحمد الناصر



أم هارون الرشيد الاوله صارت هي أمك

لو يزعلها ولدها دخلت دار الحضانه

خير أهل رابغ يخص وشراهل رابغ يعمك

ما تفكك خيل عوف ولا ولد خالك عفانه




صياف الحربي




أنت صاحبها القديم تزمها ولا تزمك

ما يغش المسلمين الا قليلين الديانه

أنت ذيب أشهب صغير والذيابه ما تشمك

أثر قلبك مثل ضلع طويق ما عندك ليانه




أحمد الناصر



تحذف الشايب وهو في طرقته ماهوب يمك

اترك الشايب وخله يالسحيمي في مكانه

ان سمعت الشور والا قلت لك شلها بكمك

كل ما تكبر تزيدبك العداوة والعانه





صياف الحربي



تمها بيني وبينك بالشرف والله يتمك

أحمد الناصر من رجال الشرف لولا لسانه

الطبيب يعرف سم الداب وأثره مثل سمك

لو عمر يسلم منه ينوش واحد من خوانه

الموضوع الأصلي: خلوها.... محاورة شعرية بين الشاعرين أحمد الناصر الشايع وصياف الحربي | | الكاتب: صادق الوعد | | المصدر: شبكة بني عبس

[عبدالعزيز الخياري]

الطبيب يعرف سم الداب وأثره مثل سمك

لو عمر يسلم منه ينوش واحد من خوانه


شكرا لك صادق الوعد
محاوره قويه بين رمزين من رموز شعر المحاوره

أحمدالناصر ، صياف الحربي

لاهنت على النقل الرائع


تقبل تحياتي

[صادق الوعد]

مشكور اخوي عبدالعزيز ويشرفني مرورك

[عمرالحربي]

------------------------صادق الوعد

---------بيض الله وجهك للنقل

-------تسلم

[ابو براك الرياض]

الله يعطيك العافيه