[فيصل المتعب]

الشاعر الكبير مساعد الرشيدي في قصيدته ( تعبت )








تعبت من القصيد .. من الجروح .. من انتظار طال
تعبت استقبل طعون الزمن .. واربت على كتفه

تعبت من الكلام .. من السكوت اللي يهد ّالحال
تعبت أكثر من الحزن الذي.. ما ينتهي عزفه

تعبت من الوعود .. من الصديق الطيّب المحتال
تعبت أعرف كل اللي .. تعرف الناس بالصدفه

تعبت من العدو اللي عجز.. يدخل معي بقتال
تعبت من الظلام اللي قتلت .. ولا لقى حتفه

تعبت أسأل من المخطي ..؟! تعبت اردّد الموّال
ما دامك ما سقيت الزرع .. ما لك حق في قطفه

تعبت القىالجواب المقنع اللي ماعليه جدال
تعبت القى .. طريقٍ ما يكون بآخره شتفه

تعبت اضفي على الصوت الحبيبه وردتين وشال
تعبت اسمع صدى شامت يردّد طاحت الغدفه

تعبت أغازل البسمه على ثغر البكا .. تختال
تعبت أشوف شوفي ينهزم .. رغمٍ على انفه

تعبت اجامل ايامي .. ولو ورّتني .. الأهوال
تعبت أقول عن حملٍ ثقيل .. اتفه من الأتفه

تعبت أهزّ راسي غيظ ! والقى في يديّ اغلال
تعبت أسير خلف الوهم.. لو غيري ركض خلفه

تعبت أشد وانزل.. ما ظهر لي طيّب المنزال
تعبت من الدروب اللي مشيت .. وكلّها صلفه

تعبت أرسم حروفي شمس.. والمح بالوجيه ظلال
بعض ناسٍ .. تعرف النور .. بس تقول ما تعرفه

تعبت وقلت كل اللي اظنّه " يا فهد " ينقال
تعبت ابغى القط انفاسي .. اذ لابد من وقفه

الموضوع الأصلي: لمساعد الرشيدي ( تعبت ) | | الكاتب: فيصل المتعب | | المصدر: شبكة بني عبس

[ذابحه النوم]

صح اسان مساعد
مشكور اخوي

[سـعود المضيـبري]

الله يعطيك العااافيه اخوووي

[فيصل المتعب]

الله يعافيكم

[ذرا عبس]

صح لسان الزعيم مشكوور على الطرح

[تعبت منك]

الله يعطيك العااافيه اخوووي

[سند الداموك]

رااائعه ورب الكعبة

تسلم

[احمد منيف]

ما دامك ما سقيت الزرع .. ما لك حق في قطفه

الله الله كم لي وانا اسمع هالشطر'!!!!

صح الله لسانك يا مساعد