[المحترف العبسي]

السلام عليكم ورحمة الله وبركاته
انقل لكم طاروق رباعي بين الشعراء زايد ابن عدله وذاكر عبيد ومالك الصامل وفهد الصامل من محاورات حفل الشاعر عبدالله معزي الرشيدي 1431
البدايه
زايد ابن عدله
تعال يامالك ولد صامل وانا اخوك الكبير00السالفه بيني وبينك ماحلى معبارها
ذاكر عبيد
ياصحابنا ياصحابنا نبغى الكلام اللي بصير00الله يمسيها بخير ايمينها ويسارها
مالك الصامل
انا هنا موجود وانته لاتهش ولاتطير00علام بعض الناس شفنا بالطريق اغبارها
فهد الصامل
اهم شيء انك اليا هالحين ياذاكر بخير00القوم مانت مغيرً ياصاحبي بأفكارها
زايد ابن عدله
انا احسب انك قبلها شيخ البلاغه شكسبير00واثرك لامنا حسبنا مانت من تجارها
ذاكر عبيد
يأهل الشويمس واصلوا بالدرب والصاير يصير00واللي يولع نارها يصبر لاشبت نارها
مالك الصامل
انا ادري انك يابن عاتي لانت بوش ولابلير00ماجاك من روس العرب ياشيخ غير اخيارها
فهد الصامل
انت البعير اللي لهاته ماتطلع له هدير 00بعض الجمال احسن لها تجلب على جزارها
زايد ابن عدله
وانا عرفتك يابن صامل لانت شيخ ولانت امير00لكن سلم لي على اهل البرقه وشعارها
ذاكر عبيد
جتك الحميا يافهد مير المغير من المغير 00 حافظ على الجيره تراها طيبه مع جارها
مالك الصامل
انته سفير الحره اللي مالقت غيرك سفير00واسلم وسلم لي على الحره لاشبت نارها
فهد الصامل
انا ولد عم الحميا وانت مدري وش تصير00لكن حذرا بندقك لايختلف معيارها
زايد ابن عدله
انا وزير المنطقه والا انت ماتصلح وزير00الله يرحم صالح معينان يابيطارها
ذاكر عبيد
انا من اهل الاوله بالوقت الاول والاخير00يوم المعارك بين حرتها على منقارها
مالك الصامل
اثرك غني جداً ولكن تدعي بأنك فقير 00سكنت جنب المقبره واخلصت مع قبارها
000000000000000000000
انتهت المحاوره
وشكرا لكم

الموضوع الأصلي: رباعيه بين الشاعر زايد ابن عدله والشاعر ذاكر عبيد وو الشاعر مالك الصامل وفهد الصامل | | الكاتب: المحترف العبسي | | المصدر: شبكة بني عبس

[ابو بيان]

مشكور يالداهية على نقل محاورة الشعراء زايد عاتي وذاكر ومالك الصامل وفهد الصامل ونتمنى التوفيق للجميع وتقبل مروووووووووووري اخوك ابو بيان

[شاعر الوطن]

مالك الصامل ما شاء الله هو واخووه .. ولا يهون ابن عدله

بس مالك دايم اقرا محاوراته قويه .. ودي نعرف نبذه عنه

[لحظة هدوء]

شعراء رائعين


الف شكر لك اخوي

[ماهر]

شعراء مميزين ومحاوره مميزه

[مالك الصامل]

أخي الداهيه شكراً لك على النقل والله لايهينك

[سعدعايض]

رباعيه جميله