[عايض بن صالح]

ايام مرت بدون الوان للصوره=عنها الروايه تناقل مثل الاحلامي
عند اكثر الناس معروفه ومخبوره=حياة بدوان عنها بعيد الاعلامي
والي لحق وقتها معها خذا دوره=اما سرح بالبهم والا بالاغنامي
والا سرح بالركا يب ونتطا كوره =احيان راكب ونوبن حاف الاقدامي
يلفح شليله وراهافاتحن زوره=وعقال ذوده طواه بسطه حزامي
من كثر مايوده الها انبح حنجوره=مع هلفيافي ورا عجفات الاسنامي
ورقاب ذوده الركبيه ومقهوره=واليا رزمت بالحنين حورها قامي
هذيك يبهل عليها وذيك مصروره=يحسب حساب العرب غبوق ويدامي
واليارحل فوق زمله شال مضهوره=واليا رغا شعيل حط بخشمه خزامي
وديار صيد الفلا ماهي محضوره= وراع المقانيص مثل الجايع الضامي
واليارقا بالطويل ومد ناضوره=ياكثر ميشوف من صيد الفلا النامي
في جو قفريتن بالخير مذكوره=ماعمر جاها وعود مفلس الرامي
ماحد حزم الفزير ومارفع قوره=وماحد عمعم وذيك اللوب من شامي
وماحد الابيض على جدره وعثموره=وصهلوج ريع الهوا والعاجر الزامي
ياحبي الها عساها دوم معموره= اديار ربعن عزاز نفوس وكرامي
بدو(ن) قبل لايبين الصبح في نوره=والنار تشعم وصوت النجر هندامي
واليا تلافو عليها رايهم شوره =علومهم مادخلها هرج نمامي
نياتهم صافيه والحال مستوره=ماعندهم كثرة الشكه والاوهامي
ماهمهم غير شوف الارض ممطوره=من شان يرعون فيها العشب لاقامي
لكن هذا زمان وفاتت عصوره= وجانا زمانن كثيره فيه الاخصامي
ناسن تحارب وناسن تلعب الكوره =وناسن كثيرين مايصلون الارحامي
حتى الزيارات للجيران مهجوره=رغم ان فيها حديث اينص وحكامي
دنيا غريبه ومنها الناس مذعوره= ياسرع الايام فيها وسرع الاعوامي
ودورات الافلاك بمر الرب ماموره=الله يهين العدا ويعز الاسلامي

الموضوع الأصلي: بدون الوان | | الكاتب: عايض بن صالح | | المصدر: شبكة بني عبس

[مسندالعويمري]

صح لسانك ولاهنت .. ولك كل التقدير

سجل اعجابي ومتابعتي الدايمه بذن الله

[عايض بن صالح]

صح بدنك ولاهان راسك
واعجابك حافز للقصيده
وراعيها تحياتي الك

[بندر الذيابي]

دنيا غريبه ومنها الناس مذعوره
ياسرع الايام فيها وسرع الاعوامي
ودورات الافلاك بمر الرب ماموره
الله يهين العدا ويعز الاسلامي



صح الله لسان يابو صالح


قصيده جميله ولك تقديري


ننظر جديدك

[عايض بن صالح]

صح الله بدنك واطال الله
في عمرك وبارك في
جهودك وكل الشكر
على مرورك

[الهنوف]

صح لسااانك

يعطيك العافية ووفقك الله

دمت بخير
اختك الهنوف

[أبو عيسى]

صح لسانك يابو صالح ووفقنا الله وإياك لمايحبه ويرضاه0 ننتظر منك المزيد والمزيد,,,,,,,,,

[ابو خالد]

صح لسانك وبيض الله وجهك