[رشيد]

ياسرع زوغات الليالي والأيام

* تمضي وحنا في شقاء الوقت لاهين

العبد يشقى في مراتيع الأوهام

* نوب على عسر ونوب على لين

لا هوب لا بايع ولا هوب سوام

* لا هوب لا زارع ولا مجريٍ عين

قدم ليوم يبن الاجواد قدام

* لامال به ينفع ولابه سلاطين

لا ينفع المحروم كثر التندم

* لا بان ميزانه برجح الموازين

يصفق الكفين ويعض الابهام

* يا ليت لو كنا لربي مطيعين

وين القدم أوين ماطات الأقدام

* هاجت به الأرياح ولا له عناوين

راحوا شتات الأمس واليوم والعام

* ناس تفوز ابها وناس مساكين

اليوم خلك صارم الرأي جزام

* لا تلتفت للي عن الدرب مقفيين

مال عطاك الله تصدق للأيتام

* ولأرملة واللي عن الدين عجزين

وجيران بيتك والأقارب والأرحام

* أوصل بهم ما بين حين بعد حين

ولبوك وأمك درهم اليوم درهام

* خله إليا جتك المواجيب راضين

أبعد عن أهل الزيغ ودروب الآثام

* ومرافقة ناس بوقتك شياطين

الحر ياقع بالطويله ليا حام

* له ماقع عن ماقع البوم والبين

ياالله يا منزل تبارك والأنعام

* تغفر ذنوبي يا إلهي وتهدين


قصيدة " الليالي والأيام "
للشاعر / محمد بن سليمان العبد اللطيف

الموضوع الأصلي: الليالي والأيام | | الكاتب: رشيد | | المصدر: شبكة بني عبس

[@كحيلان@]

صح لسان شاعرها وناقلها والله يعطيك العافيه
ولاهنت أخوي على القصيدة الجزله

[زهو الايام]

قصيده جزله وهادفه
صح اللسان الشاعر..
ولاهنت اخوي على النقل الرائع

[س لا م]

ياالله يا منزل تبارك والأنعام

* تغفر ذنوبي يا إلهي وتهدين

امين لي ولشاعرها وناقلها وصح لسانكوووو

[خاتم الرشيدي]

أبعد عن أهل الزيغ ودروب الآثام

* ومرافقة ناس بوقتك شياطين

الحر ياقع بالطويله ليا حام

* له ماقع عن ماقع البوم والبين
صح السانك والسان شاعرها
وسلمت على النقل

[النايفه الوفيه]

أخوي رشيد تسلم الانامل إللي نقلت القصيده الله لايهينك ياخوي

وصح لسان شاعرها
العبد يشقى في مراتيع الأوهام

* نوب على عسر ونوب على لين

لا هوب لا بايع ولا هوب سوام

* لا هوب لا زارع ولا مجريٍ عين

[رشيد]

بيض الله وجيهكم

صح لسان شاعرها ولاهنتم احبتي