|
الليالي والأيام
ياسرع زوغات الليالي والأيام * تمضي وحنا في شقاء الوقت لاهين العبد يشقى في مراتيع الأوهام * نوب على عسر ونوب على لين لا هوب لا بايع ولا هوب سوام * لا هوب لا زارع ولا مجريٍ عين قدم ليوم يبن الاجواد قدام * لامال به ينفع ولابه سلاطين لا ينفع المحروم كثر التندم * لا بان ميزانه برجح الموازين يصفق الكفين ويعض الابهام * يا ليت لو كنا لربي مطيعين وين القدم أوين ماطات الأقدام * هاجت به الأرياح ولا له عناوين راحوا شتات الأمس واليوم والعام * ناس تفوز ابها وناس مساكين اليوم خلك صارم الرأي جزام * لا تلتفت للي عن الدرب مقفيين مال عطاك الله تصدق للأيتام * ولأرملة واللي عن الدين عجزين وجيران بيتك والأقارب والأرحام * أوصل بهم ما بين حين بعد حين ولبوك وأمك درهم اليوم درهام * خله إليا جتك المواجيب راضين أبعد عن أهل الزيغ ودروب الآثام * ومرافقة ناس بوقتك شياطين الحر ياقع بالطويله ليا حام * له ماقع عن ماقع البوم والبين ياالله يا منزل تبارك والأنعام * تغفر ذنوبي يا إلهي وتهدين قصيدة " الليالي والأيام " للشاعر / محمد بن سليمان العبد اللطيف |
صح لسان شاعرها وناقلها والله يعطيك العافيه
ولاهنت أخوي على القصيدة الجزله |
قصيده جزله وهادفه
صح اللسان الشاعر.. ولاهنت اخوي على النقل الرائع |
ياالله يا منزل تبارك والأنعام * تغفر ذنوبي يا إلهي وتهدين امين لي ولشاعرها وناقلها وصح لسانكوووو |
أبعد عن أهل الزيغ ودروب الآثام
* ومرافقة ناس بوقتك شياطين الحر ياقع بالطويله ليا حام * له ماقع عن ماقع البوم والبين صح السانك والسان شاعرها وسلمت على النقل |
أخوي رشيد تسلم الانامل إللي نقلت القصيده الله لايهينك ياخوي وصح لسان شاعرها العبد يشقى في مراتيع الأوهام * نوب على عسر ونوب على لين لا هوب لا بايع ولا هوب سوام * لا هوب لا زارع ولا مجريٍ عين |
بيض الله وجيهكم
صح لسان شاعرها ولاهنتم احبتي |
| الساعة الآن +4: 05:50 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
