[المحترف العبسي]

السلام عليكم ورحمة الله وبركاته
محاوره بين الشاعر ذاكر عبيد العويمري والشاعر عبدالله الاشرم
ذاكر عبيد
يامرحبا عند الرجال المناعير00كثر النجوم للامعه في سماها
ياشاعر المعنى كبير الشواعير00 شرفت حفله عاليً مستواها
الاشرم
دام البقا والله يمسيك بالخير00 في حفل قوم تكسر اللي غزاها
حنا على شانك قطعنا المشاوير00 واهل الوفا والجود نكسب رضاها
ذاكر عبيد
خلك على الجبهه وقود الطوابير 00من قاد قوم يقودها ويحماها
سجل لها تاريخ ياسالم الزير00 وارفع علم من دونها ومن وراها
الاشرم
دون المواقف ماتفيد المعاذير00لاكبرت الهيجا ودارت رحاها
انته وانا نارد على جمة البير00 بيرن ثمان اقرون ماينش ماها
ذاكر عبيد
دون المواقف يسبحن البوابير00اقولها واللي كتبها قراها
علم بها اللي تعكس الدرب والسير00اهل الكبود الناشفه من ضماها
الاشرم
الدرب واحد يازبون المخاسير00بين الجبال اللي تقدس حصاها
انته كلامك مثل در المصاغير00هذا طرب كبدي وهذا دواها
ذاكر عبيد
قلت الحقيقه واسمعوها الجماهير00 لان الحقيقه كل رجل بغاها
من جابها بالهون يابن المشاهير00يكسب رضا قوم صعيب رضاها
الاشرم
ينبت جناح الطير ويفز ويطير 00 مثل الطيور اللي يرفرف وراها
الناس قامت تدهن السير ويسير00والا الجماعه مانخيب رجاها

الموضوع الأصلي: محاوره الشاعر ذاكر العويمري والشاعر عبدالله الاشرم | | الكاتب: المحترف العبسي | | المصدر: شبكة بني عبس

[ناصر الخياري]

صح لسان الشعرااء ..
ذاكر شاعر جزل ..
ولاهان الاشرم ..
تسلم اخوي على النقل...

[سعد محمد]

صح لسان الشعراء جميعآ ...

ولاهنت على النقل ...

[المحترف العبسي]

شكرا لمرورك ياناصرالخياري
والله لايهينك

[المحترف العبسي]

ولد الرياض
شكرا على مرورك

[فهيد الشويلعي]

خلك على الجبهه وقود الطوابير 00من قاد قوم يقودها ويحماها
سجل لها تاريخ ياسالم الزير00 وارفع علم من دونها ومن وراها
مشكوووووور والله يعطيك الف عافيه

[كاتب الرشيدي]

صح لسان الشاعرين

محاورة وافيه وكافيه


بيض الله وجهك على النقل يالداهية

[شاعر الجنوب]

بيض الله وجه شاعر عبس وحامي حماها عبدالله الاشرم
ولا يهون العويمري