[ذيبان الرشيدي]

.
.
.
بعد السلام ..
أبدأ .. بنظم الكلام ..
وترتيبه ورصفه .. وإعرابه وصرفه ..
.
.
قصيدة مُتواضعة ..
نظمتُها وعلى عُجالة ..
مؤازرةٍ ..
لـِ بكر الرشيدي ورِفاقه ..
.
.
.

لاهبهب .. السافي وحر اللواهيب = ماينفع.. الماشي كثير الخطاوي
ولا هاضت .. غلاظ الجروح المعاطيب = دوّر .. على طب الطبيب المداوي
دوّر.. ذراك اليا أدركّتك المشاهيب = مالك .. ومال مقربين الحراوي
ما تتعب .. الرمضا ملاس العراقيب = الا لمن .. ربعه سوات الحداوي
ولا تجفل .. الناقة بشوف المشاعيب = الا ليا .. كب المراح الشواوي
والشعر .. وأن جمّل وجيه الرعابيب = ماحط .. قدر المعتلي و النداوي
للشعر لذة .. لا أتجه للغواليب = أهل الظفر .. ومرددين العزاوي
عبسان .. لا ماتت فعول الأشانيب = تطنّخ .. وتجلي كايدات البلاوي
أهل .. الصخا ومكثرين المواجيب = سمح .. الوجيه مزبنين الجلاوي
قوماً .. ليّا قامت تفك المناشيب = لامن .. تساوى حلمها بالمناوي
ياعبس .. شفنا معسرات التعاجيب = يوم.. أختلط كبر الخطأ بالدعاوي
بكر الرشيدي .. طوّعته المناكيب = و أقفت مغاتيره .. و صار الشقاوي
ضاقت عليه.. و غربلته المصاعيب = و أضحى .. يبدد ضيقته بالرجاوي
همه .. تناهى بالظلوع المحاديب = والحزنِ .. قاسم ضيقته بالتساوي
جاكم يدوّر .. ضيفته يالمعازيب = ما دوّر .. الضحكه وكثر الحكاوي
أما تلبّون .. الفدا و المطاليب = و يبّدل .. الظلمه بشمس الضحاوي
والا تلقو .. شرهته يالأصاحيب = لامنها .. ضاعت جميع الهقاوي

.
.
أخيراً ..
أدعوا ..
رب الأرباب .. وقاهرِ الأحزاب ..
أن يَفُك أسره .. وأن يُعجِل لهُ بالفَرج ..
.

الموضوع الأصلي: لاهبهب السافي و حر اللواهيب ... ماينفع .. الماشي كثير الخطاوي ..! | | الكاتب: ذيبان الرشيدي | | المصدر: شبكة بني عبس

[وضاح اليمن]

صح السانك قصيده طيبه

[عيد الداموك]

صح اللسانك


اسأل الله العظيم ان يفك اسرهم

[عبدالله.الوطري]

صح السانك ولاهنت

[ولد حايل]

صح لسانك ذيبان

اسال الله ان يفك اسرهم

[مبارك المهيمزي]

صح لسانك يعطيك العافية ماقصرت اللهم فك اسره

[المشعل]

رائع ياذبيان
وصح السانك