[رشيدي بن عز]

اقبلـت تختـال ياقـوتـةٍ متبـارقـه
بالجمال وكـل عيـنٍ سعـت لعناقهـا


جت تجر الليل الأسود بشمس شارقـة
في عيون ساقة النور مـدري ساقهـا


حين بانت هزت الكون قـوة خارقـة
ارهبتني قلـت رحمـاك يـا خلاقهـا


غـادةٍ متفوقـه بلجـمـال وفـارقـه
سحر بابل في هدب عينهـا وأحداقهـا


في بهاهـا فاتنـه للقلـوب وسارقـه
للعقـول وبـات نشوانهـا مافاقـهـا


يعلـم الله كلهـا بالمحاسـن غارقـه
زانها الله وأكتسـت جلهـا وأدقاقهـا


كل نظره صوبها يـوم تقبـل مارقـه
شوق وأخشى ثقل الأرداف يكسر ساقها


غادةٍ لأبواب كـل المشاعـر طارقـه
وأن تبسم ثغرهـا يـا كثـر عشاقهـا


من شقى فيها شقت به جحيمٍ حارقهـه
من كسب لحظة رضاها من اللي شاقها


الغزال أن خانه الريح يلمـح دارقـه
ولايحقـق بالمهـا الانظـر تفاقـهـا


آه يامن وصفها نال وصـف الفارقـه
صرت أخاف فراقها قبل وقت فراقهـا


كل ما يرعد لها الفكر صارت بارقـه
وكل مايمطرني الشوق صرت أشتاقها


كنها نسمه وروحي غصـونً وارقـه
تشتهي تحريك أزاهيرهـا وأوراقهـا

الموضوع الأصلي: قصيدة لشاعرنا الكبير سعدان.. | | الكاتب: رشيدي بن عز | | المصدر: شبكة بني عبس

[اسرار]

تفوق شعري لا يكتبه الا سعدان

قصيدة روحانيه تعيش معها بمشاعر راقيه ووصف عذب وجزالة لفظ وابداع وامتاع .

قصيدة سلسه
قصيدة قريبة لنفس
قصيدة فارقة وخارقه عن غيرها وهذا ليس غريب على سعدان

قراءتها اكثر من مره ولو كتبت عنها بكل الحروف والكلمات سوف تكون القصيدة اكثر من كل الوصوف

شكراً لهذا النقل ... بالقلب والعقل .

[رشيدي بن عز]

الله يعطيك العافية على تفاعلك مع القصيدة.........
واشكرك على الكلاام الجميل......... ومعرووف سعدان اسطورة شعرية.....الله يشفية

[مسندالعويمري]

شكراً لهذا النقل الجميل

لفارس الكلمه لشاعرنا الكبير سعدان..

[مبارك الشويلع]

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري