قصيدة لشاعرنا الكبير سعدان..
 

اقبلـت تختـال ياقـوتـةٍ متبـارقـه
بالجمال وكـل عيـنٍ سعـت لعناقهـا


جت تجر الليل الأسود بشمس شارقـة
في عيون ساقة النور مـدري ساقهـا


حين بانت هزت الكون قـوة خارقـة
ارهبتني قلـت رحمـاك يـا خلاقهـا


غـادةٍ متفوقـه بلجـمـال وفـارقـه
سحر بابل في هدب عينهـا وأحداقهـا


في بهاهـا فاتنـه للقلـوب وسارقـه
للعقـول وبـات نشوانهـا مافاقـهـا


يعلـم الله كلهـا بالمحاسـن غارقـه
زانها الله وأكتسـت جلهـا وأدقاقهـا


كل نظره صوبها يـوم تقبـل مارقـه
شوق وأخشى ثقل الأرداف يكسر ساقها


غادةٍ لأبواب كـل المشاعـر طارقـه
وأن تبسم ثغرهـا يـا كثـر عشاقهـا


من شقى فيها شقت به جحيمٍ حارقهـه
من كسب لحظة رضاها من اللي شاقها


الغزال أن خانه الريح يلمـح دارقـه
ولايحقـق بالمهـا الانظـر تفاقـهـا


آه يامن وصفها نال وصـف الفارقـه
صرت أخاف فراقها قبل وقت فراقهـا


كل ما يرعد لها الفكر صارت بارقـه
وكل مايمطرني الشوق صرت أشتاقها


كنها نسمه وروحي غصـونً وارقـه
تشتهي تحريك أزاهيرهـا وأوراقهـا

رد : قصيدة لشاعرنا الكبير سعدان..
 

رد : قصيدة لشاعرنا الكبير سعدان..
 

الله يعطيك العافية على تفاعلك مع القصيدة.........
واشكرك على الكلاام الجميل......... ومعرووف سعدان اسطورة شعرية.....الله يشفية

رد : قصيدة لشاعرنا الكبير سعدان..
 

شكراً لهذا النقل الجميل

لفارس الكلمه لشاعرنا الكبير سعدان..

رد : قصيدة لشاعرنا الكبير سعدان..
 

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري