[ذيبان الرشيدي]

]بسم الله الرحمن الرحيم

اخووتي الكراام

أعضاء
و
زوار المنتدى

أقدم لكم

{ الزعــــــيتريـــه }

وهي

أحد ماسطرت في قبيلتنا الكريمه

وقد قلتها في حفلٍ مدرسي في الماضي

في عمائر المرير

لا أطيل عليكم

أليكم ماكتبت

ياناشداً عنـي ترا لابتي نـار = ناراً تأجـج فـي لهبهـا سعيـرة
هاك القصيدة لك مع الوقت تذكـار = عنوانها لاهـل القلـوب البصيـرة
حنا سلايل عبس ياميت النار = بنـي رشيـد مفرقيـن العشيـرة
بني رشيد مطوعت كل بوار = لاجانه العادي لعنه كريره
من رامنا بالكيد نسقيـه الامـرار = في حدنا يلقى السيوف الشطيره
واليا انتوانا من على الناس جبار = دون العشم يلقى رجـال وذخيـرة
مال الردى فينا رجاجيل وصغار = حتى الحريم مجدلات الظفيره
لامن عطينا مدنا مد تجار = حنا نعز النفس لو هي كسيره
تحت السحابة نفتح الفين مشـوار = وفوق السحابـه نعلـم الله قديـرة
لا ماربعنا لهرجة الكلـب والفـار = ولاهمنا من هو بدعله معيره
انعم رشيدي صاين العهد والدار = اهل الوجيه المنورات السفيره
مرباعه الحره على مر الاطوار = ووسمه الكفه علامة بعيره
ربعن على درب المراجل لنا كار = والمدح فينا بان ضعفه وتقصيره
وكل القباايل ماعلى عزها ستار = وكلٍ يقول الي يريح ضميره
والمدح ماطول قصيرين الاشبار = والسب مادنس رجالاً شهيره
والحر لامنه كفخ بالفضاء طار = والا الرخم لوطار ماراح ديره
والمملكه تبقى الوطن سر وجهار = من دونها نرقى الجبال العسيره
في ظل منهو يدهله كل محتار = عبدالله الي بان نفعه وخيره
عبدالله الي ماسك الدين مابار = تلقى العظيمه في عيونه صغيره
وولي عهده معدل الوقت لاجار = سلطان نجد الي لفانا بشيره
وتم الكلام الي نظمته على آر = شطراً على آر وشطراً على ايره
والختم اصلي عد ماسايراً سار = على شفيع الخلق يوم النفيره
محمد الي ماعرف فر ودباار = عليه أصلي عد ماحن طيره

وتقبلوا جل التحيه والسلام
ذ
ي
ب
ا
ن
::

الموضوع الأصلي: { الزعـــيتريــه } لأهل القلووب البصــــيره ... | | الكاتب: ذيبان الرشيدي | | المصدر: شبكة بني عبس

[ادري طيبتي غلطه]

صح لسااانك ونعم القصيده

[عبد العزيز]

صح لسااانك على هالقصيده

ابيات جميله جداً تستاااهل الختم

ننتظر جديدك المتميز اخوي ذيبان

[مبارك نافع]

صح لسانك وقصيدة جزلة

[حــزام]

بيض الله وجهك اخوي ذيبان
وصح لساك
القصيدة جزله وتستحق التميز
ولاخلا ولاعدم

[ولد عبس الرشيدي]

صح لسانك اخوي ذيبان

قصيده رائعه جداً بمعانيها

لاهنت لاهنت

[ابو محمد العريض]

صح لسااانك على هالقصيده

ابيات جميله جداً تستاااهل الختم

ننتظر جديدك المتميز اخوي ذيبان

[ذيبان الرشيدي]

اقتباس من مشاركة ادري طيبتي غلطه صح لسااانك ونعم القصيده

اشكر مروورك


الراائع
اختي الكريمة


تقبلي
جل التحيه والسلام
ذ
ي
ب
ا
ن