{ الزعـــيتريــه } لأهل القلووب البصــــيره ...
]بسم الله الرحمن الرحيم اخووتي الكراام أعضاء و زوار المنتدى أقدم لكم { الزعــــــيتريـــه } وهي أحد ماسطرت في قبيلتنا الكريمه وقد قلتها في حفلٍ مدرسي في الماضي في عمائر المرير لا أطيل عليكم أليكم ماكتبت
ياناشداً عنـي ترا لابتي نـار = ناراً تأجـج فـي لهبهـا سعيـرة هاك القصيدة لك مع الوقت تذكـار = عنوانها لاهـل القلـوب البصيـرة حنا سلايل عبس ياميت النار = بنـي رشيـد مفرقيـن العشيـرة بني رشيد مطوعت كل بوار = لاجانه العادي لعنه كريره من رامنا بالكيد نسقيـه الامـرار = في حدنا يلقى السيوف الشطيره واليا انتوانا من على الناس جبار = دون العشم يلقى رجـال وذخيـرة مال الردى فينا رجاجيل وصغار = حتى الحريم مجدلات الظفيره لامن عطينا مدنا مد تجار = حنا نعز النفس لو هي كسيره تحت السحابة نفتح الفين مشـوار = وفوق السحابـه نعلـم الله قديـرة لا ماربعنا لهرجة الكلـب والفـار = ولاهمنا من هو بدعله معيره انعم رشيدي صاين العهد والدار = اهل الوجيه المنورات السفيره مرباعه الحره على مر الاطوار = ووسمه الكفه علامة بعيره ربعن على درب المراجل لنا كار = والمدح فينا بان ضعفه وتقصيره وكل القباايل ماعلى عزها ستار = وكلٍ يقول الي يريح ضميره والمدح ماطول قصيرين الاشبار = والسب مادنس رجالاً شهيره والحر لامنه كفخ بالفضاء طار = والا الرخم لوطار ماراح ديره والمملكه تبقى الوطن سر وجهار = من دونها نرقى الجبال العسيره في ظل منهو يدهله كل محتار = عبدالله الي بان نفعه وخيره عبدالله الي ماسك الدين مابار = تلقى العظيمه في عيونه صغيره وولي عهده معدل الوقت لاجار = سلطان نجد الي لفانا بشيره وتم الكلام الي نظمته على آر = شطراً على آر وشطراً على ايره والختم اصلي عد ماسايراً سار = على شفيع الخلق يوم النفيره محمد الي ماعرف فر ودباار = عليه أصلي عد ماحن طيره وتقبلوا جل التحيه والسلام ذ ي ب ا ن :n200678: |
صح لسااانك ونعم القصيده
|
صح لسااانك على هالقصيده
ابيات جميله جداً تستاااهل الختم ننتظر جديدك المتميز اخوي ذيبان n200678 |
صح لسانك وقصيدة جزلة
|
بيض الله وجهك اخوي ذيبان
وصح لساك القصيدة جزله وتستحق التميز ولاخلا ولاعدم |
صح لسانك اخوي ذيبان
قصيده رائعه جداً بمعانيها لاهنت لاهنت |
صح لسااانك على هالقصيده
ابيات جميله جداً تستاااهل الختم ننتظر جديدك المتميز اخوي ذيبان |
إقتباس:
اشكر مروورك الراائع اختي الكريمة تقبلي جل التحيه والسلام ذ ي ب ا ن |
الساعة الآن +4: 10:39 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.