[حامد الحنيفان]

عديت مرقابً وانا فيه بحلان = مرقاب ماعمر المعدي رقابه
واطرق نظر عيني على كل مكان = واليا طرقت اشوف يزمي سرابه
ياموصلين الهرج مني لسمران = يم ابو فالح كل يوم اهقابه
ابغاه ياتي ثم يجيب شقران = ناصل زعل ياشوق جالي عذابه
ماهو قريب ديرته يابن عجلان = يم العلم دونه تعاوى الذيابه
هات الشداد وثم قرب وضيحان = اليا قضبت له الرسن جاك مابه
وتراي ادل الدرب ماني بغويان = والا الردي ترا لدربي يهابه
اسري كما مايسري الذيب سرحان = اسري كما تسري عجاف الذيابه
الشاعر/ سعود حنيفان العويمري (رحمه الله)

الموضوع الأصلي: عديت مرقابً وانا فيه بحلان | | الكاتب: حامد الحنيفان | | المصدر: شبكة بني عبس

[مرآهيش]

اللهم ارحم شآعرهآ وآسكنه فسيح جنآته