[الـدولار]

الـسـلام عـلـيـكـم

هذه محاوره بين الشاعر الكبير النجم سعد المحيش والشاعر الكبير المبدع تركي الميزاني

في حفل زفاف ابن المهندس باتل الرجمه الرشيدي بالكويت

واتمنى ان تنال الاعجاب

سعد المحيش

يا مرحبا في واجب الجود والطيب
عند الرجال مكثرين التراحيب
بني رشيد الي تسد المواجيب

قومو صفكم يا ربعنا يا مطير .... لعنبوا لحيتن ما تحمي اشنابها
تركي الفين حاضر والرحى تستدير .... والكحيلا يجي بالوقت ركابها

تركي الميزاني
دام البقى يا طيب الوجه والجاه
عند الرجال اهل الفعول المسماه
لكن سر القاف ويزيد مسراه

قومو صفكم يا جعل بالامر خير.... والسوالف ترانى نحسب احسابها
تركي الفين سيفه فالمواقف شطير .... وانت جود عصاك الي تعصابها

سعد المحيش

يا شاعر المطران خلك سياسي
والناس ملتمه ولعبك حماسي
واليا بغيت تطيح طيح متواسي

خلها بيننا والمشكله ما تصير .... كل حجه غريبه ينقفل بابها
رد سيفك وخله يا ولد بالجفير .... وعلم الناس حاضرها وغيابها

تركي الميزاني

ان عودت يا صاحبي للسياسه
كلن حسب علمه وتفكير راسه
لكن ثوبك لا تطول مقاسه

الله اعلم وش الي فالزمان الاخير .... يمكن ان الجمال تعدل ارقابها
لو اعلمك بأقرب هاجسن بالضمير .... صحتلك صيحتن ما تحمد اسبابها

سعد المحيش

يا ربعنى يا مطير فيكم شواعير
لكن منهو يا عرب شاعر مطير
جيتم تبون الما ومتو على البير

منت بالعلم هذا يا المطيري خشير .... اشعل النار قبل يجيك شبابها
انت راع الادراه وانتبه يا مدير .... لا تجيك الحرار براس مخلابها

تركي الميزاني

انا احمد الله كلبونا مطانيخ
والكل منا له مكانه وتاريخ
وانته تشيخ وانت منته ولد شيخ

يكفخ الطير بجناحه وعيى يطير .... مير سكان مكه تعرف اشعابها

هذه هي المحاوره وكانت ناريه واتمنى ان تنال الاعجاب

الموضوع الأصلي: محاورة الشاعر سعد المحيش والشاعر تركي الميزاني | | الكاتب: الـدولار | | المصدر: شبكة بني عبس

[فلاح الرشيدي]

بيض الله وجهك يادولار
محاوره قويه وشعار كبار تستحق النقل
لك ودي وتقديري

[الاجهر]

بيض الله وجهك يادولار
محاوره قويه وشعار كبار تستحق النقل

[صقر ابن عبس]

بيض الله وجهك يادولار
محاوره قويه وشعار كبار تستحق النقل
لك ودي وتقديري

[JljJjJl]

الدولار

شكراً على النقل

[الـدولار]

الله يسلمكم مشكورين على المرور المشرف ولا هنتوم يا الامراء

[قـرنـاس]

يا سلام على المحاوره الناريه بيض الله وجهك على النقل وبيض الله وجه الشعراء وبيض الله وجه الشاعر سعد المحيش البارز والنجم في الساحه الشعريه واتمنى له التوفيق

[الـعـنـود]

مشكور اخوي الدولار على النقل وبيض الله وجهك على هالمحاوره الناريه واشكر الشعراء على هالابداع واشكر شاعر عبس النجم سعد المحيش الراقي في شعره دائما واتمنى له التوفيق في مسيرته الشعريه وانا من اشد المعجبين بالشاعر سعد المحيش تقبل مروري