[الاجهر]

احس في غالوق مدري علامي =يالله تبيح ضيقتي قبل لاصيح
عديت في رجمن غشاه الغمامي =قعدت في راسه ولا لي مراويح
النايف المرتز عطه احترامي =بس انتبهلي يافتى الجود لاطيح
ياصاحبي هذا المكان التمامي =الكح حطب نارك من دقيق الشيح
ووقد عليها لين تدفى عضامي =خل الجمر مثل الصخور الصلافيح
وجذ الدلال الي عليها الكلامي =نبي نتقهوا يمكن همومي اتزيح
وان استمر الوضع يابن الكرامي =هات العلوم الى تداوي المجاريح
وان انشدك عبدالمجيد العصامي =قلة ابوك بخير والسد لايبيح
وانا على الشدات اكرب حزامي =عندي على جور اليالي تصاريح

الاجهر

الموضوع الأصلي: احس في غالوق مدري علامي | | الكاتب: الاجهر | | المصدر: شبكة بني عبس

[الاجهر]

نسقوها يربع اذا فيه مجال

[راسبه بالحب]

رؤؤؤؤعه ماشاء الله عليك


صح السانك واعتلا شانك


لاهنت

[الاجهر]

اقتباس من مشاركة راسبه بالحب رؤؤؤؤعه ماشاء الله عليك صح السانك واعتلا شانك لاهنت

الاروع مرورك لاهنتي

[غادة بني رشيد]

سلامتك يالب روحك والله يحفظ عبدالمجيد

[الاجهر]

اقتباس من مشاركة غادة بني رشيد سلامتك يالب روحك والله يحفظ عبدالمجيد

الله يسلمك واشكر مرورك
امين يارب لاهنتي

[بروفسور الشعر]

صح السانك

قصيده جزله من شاعر جزل

[الاجهر]

اقتباس من مشاركة بروفسور الشعر صح السانك قصيده جزله من شاعر جزل

صح بدنك ياغالي