[الوافي 100]

الرابط اللي ربطني معك هالمرة........ماهو بلازم معك بعدين يربطني

وكبدي اللي من الايام محترة..........احيان يطري لي الطاري ويلقطني

لاضاق صدري قنصت ورحت للحرة.....صفقت هواء جوها الطاهر ينشطني

ادوج في برها واستقطع الجرة........طرد الولع رغبتي ماهو ملي بطني

اخير من صحبة اللي كاتمٍ سرة.........يضحك معايه وهو قصده ايورطني

مثل ماقال المثل اخوٍ من السرة.......ياخذ مايعطي ومتعود على عطني

كم واحدٍ خيره ايغطي على شره......وكم واحدٍ قال فعل الخير يغبطني

اكبر علوم الفلك مع عالم الذرة...........والابجديه بعقل الشاطر الفطني

حاولت ابضغط على التفكير وافره..اضغط على النفس مير الوقت يضغطني

اساير الوقت في حلوة وفي مره...........مرة ايوخرني ومـرة ايقلــــطنــي

الموضوع الأصلي: الحرة-للشاعر عبد الحكيم عبدالله الرشيدي | | الكاتب: الوافي 100 | | المصدر: شبكة بني عبس

[الشاطئ المهجور]

صح صح الله لسان الشاعر عبد الحكيم

ماشاء الله عليه بيض الله وجهه على ها القصيده النادره التي لايصوغ معانيها الأ شاعر له باع طويل با الشعر

ويحكم القافيه بنظره تصعب على بعض الشعراء التقاطها

وفقه الله لما فيه الخير

اخوي الوافي 100 اشكرك على النقل

كفيت وفيت اخوي لاتحرمنا من قصلئد هذا الشاعر

تحيتي لك

[غيوض الرشيدي]

روووعه

صح اللسان الشاعر

وتسلم على الطرح

[الوافي 100]

يعطيكم العافيه وماقصرتم

ولكم كل الشكر

وتقبلو تحياتي

[ابوتوتو]

اخير من صحبة اللي كاتمٍ سرة.........يضحك معايه وهو قصده ايورطني


لله درك من شاعر
اشهدنه صدق

[احمد منيف]

صح الله لسـان شاعرها .. تسلم اخوي الوافي ع النقل الطيب ..

لاخلا ولاعدم ...

يابعدي ..

[كحيلة]

صح الله لسان الشاعر عبدالحكيم الرشيدي..وتسلم يمينك أخوي الوافي ع النقل الطيب..
مشكوور..ولاخلا ولاعدم..

[بندر العويمري]

صح اللسان الشاعر

وتسلم على الطرح