[عاشق الصحراء]

إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم

ما عاد يفـرق زول حرمـه ورجـال***** دام الفعايـل تشبـه البـعـض دايــم

المرجلـه مـا هيـب كلمـه وتنقـال *****وتروح مـا راحـت هبـوب النسايـم

وإلا خشونة صوت أو رفـع الأثقـال *****أو رزة صــدور وفـعـل الـزلايـم

ولا هي بعد مفتـاح موتـر وجـوال***** وإلا ردى لسـانـن حديـثـه شتـايـم

المرجله شيمـه عـن القيـل والقـال***** رفيع نفـس (ن ) حـر بالجـو حايـم

المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم

يا مسندي لو مايل الوقـت بـي مـال***** يـا ولـد أبويـه يـا عظيـم العزايـم

يا معرب الجدين مـن العـم والخـال *****يـا نخـوة المفـزوع وقـت الهزايـم

المرجله يا خوي هـي طولـة البـال***** هـي العـزم هـي الصبـر فالظلايـم

فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم

والدين لامنـه خـذا القلـب منـزال *****مشـى طريـق الحـق وابليـس نايـم

ومن لا عرف ربه في طيـب الحـال *****لابـد وقـت الضيـق بالـهـم هـايـم

حتى صلاتك مع جماعـات ورجـال *****في خيرهـا يـا خـوي نعـم الغنايـم

ولامن نصف ليلك قـم صفـي البـال***** يا عظـم أجـرك بيـن ساجـد وقايـم

ولا من رفع ربي لـه كـل الأعمـال *****حسـن الذكـر لا قالـو فـلان صايـم

وخلك شريف القصد يا طيـب الفـال *****سـوء المقاصـد فالبـيـوت الهـدايـم

واحذر تبيع النفس فـي دب الأنـذال***** وتتبـع خـوي إبليـس راع النمـايـم

النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم

ولا صرت ما تدري لو يش أنت رجال***** والله خسـارة فيـك ذبــح التمـايـم

الموضوع الأصلي: اذا المراجل لبسة شماغ وعقال | | الكاتب: عاشق الصحراء | | المصدر: شبكة بني عبس

[@كحيلان@]

صح لسان شاعرها والله يعطيك ألف عافيه
على النقل الرائع
وحنا في أنتظا ر جديدك
والله لايهينك

[عاشق الصحراء]

اقتباس من مشاركة @كحيلان@ صح لسان شاعرها والله يعطيك ألف عافيه على النقل الرائع وحنا في أنتظا ر جديدك والله لايهينك

الله يعافيك ياخوي

ومشكور على حضورك

دمت بكل خير

[هلالي صميم]

مشكور على هذه الابيات الشعرية الرائعة

وصح لسانك

[ذيبان الرشيدي]

سلمت اناملك

على ماسطرت

من درر

أخي الكريم


ننتظر الجديد الاجمل

تقبلــ
جلـ التحيهــ والسلامــ
ذ
ي
ب
ا
ن

[عاشق الصحراء]

اقتباس من مشاركة هلالي صميم مشكور على هذه الابيات الشعرية الرائعة وصح لسانك

• صح بدنك اخوي ومشكور على حضورك
• دمت بكل خير

[عاشق الصحراء]

اقتباس من مشاركة ذيبان سلمت اناملك على ماسطرت من درر أخي الكريم ننتظر الجديد الاجمل تقبلــ جلـ التحيهــ والسلامــ ذ ي ب ا ن

الله يعافيك ياخوي

ومشكور على حضورك

دمت بكل خير